په ترکیه کې د سترې فاجعې مخه ونیول شوه.
د ترکیې سره په پوله کې دوه تنه ځانمرګي برید کوونکي ونیول شول
په ترکیه کې د سترې فاجعې مخه ونیول شوه.
د ترکیې سره په پوله کې د سوریې د اکتارین په سیمه کې د داعش ترهګرې ډلې دوه تنه ښځینه ځانمرګي برید کوونکي چې ترکیې ته د تیریدو هڅه کوله ونیول شوې.
د نیول شوو ترهګرو سره ۱۱۰ کیلو چاودیدونکي توکي او پنځه د ځانمرګیو بریدونو واسکټونه هم نیول شوي دي.
د ترلاسه شوو معلوماتو له مخې نوموړو ترهګرو غوښتل چې د کډوالو په جامه کې د ترکیې کیلیس ښار ته راتیر شي.
د ویلو ده چې داعش ترهګرې ډلې په سوریه کې خپل تر ټولو ستر روزنیز مرکز مدرسه المشهد او یو زیات شمیر مهمې نقطې په روغ لاس د پي واي ډي ترهګرې ډلې او اسد ځواکونو ته پریښې او ترهګر يي یوې خوا او بلې خوا ته خواره شوي دي.
د بله پلوه تیره ورځ د داعش ترهګرې ډلې مشر ابو بکر البغدادي د یو کال وروسته غږیز پیغام خپور کړ. هغه پدې پیغام کې په خپلو جنګیالیو په ترکیې او سعودي عربستان هم د بریدونو غږ وکړ. د نوموړي پيغام د خپریدو سره سم د ترکیې په پولو کې امنیتي تدابیر لا پسې لوړې سويي ته ورسول شول.
همداشان د بغدادي د پیغام نه څو ساعته لا تیر شوي نه وو چې ترکیې سره په پوله کې د سوریې د اکتارین په سیمه کې دوه تنه ځانمرګي برید کوونکي ونیول شول.
نوموړي برید کوونکي د ازادې سوریې د سرتیرو لخوا نیول شوي دي.
د ترلاسه شوو معلوماتو له مخې د ازادې سوریې ځواکونو د اکتارین په سیمه کې یو ټکسي چې ظاهرآ کډوال يي انتقالول ودرول شو. په ټکسي کې د کډوالو په منځ کې د داعش دوه تنه ترهګرې پټې شوې وې چې د ازادې سوریې د سرتیرو دقت له امله ونیول شوې.
په ټکسي د پلټنو پر مهال ۱۱۰ کیلوګرامه چاودیدونکي توکي او ۵ د ځانمرګیو واسکټونه چې په ډیره ماهرانه ډول سره پټ شوي وو ونیول شول.
نیول شوو ترهګرو په خپل جرم اعتراف وکړ . هغوې وویل چې د بریدونو په موخه ترکیې ته تیریدل.
برید کوونکو ویلي دي چې په ترکیه کې د ځانمرګیو بریدونو پلان درلود.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله