نن د ترکیې د جمهوري نظام د تاسیس ۹۳ کلیزه ده
نن د اکتوبر ۲۹ مه نیټه ده چې په ترکیه کې د جمهوریت د تاسیس د ۹۳ یمې کلیزې سره سمون خوري.
نن د اکتوبر ۲۹ مه نیټه ده چې په ترکیه کې د جمهوریت د تاسیس د ۹۳ یمې کلیزې سره سمون خوري.
د ترکېې ولسمشر رجب طیب اردوغان د اکتوبر ۲۹ مې د هیواد د جمهوریت د تاسیس د ۹۳ یمې کلیزې په مناسب د مبارکۍ پیغام خپور کړ. ولسمشر اردوغان په خپور کړي پیغام کې د جولای په ۱۵ مه نیټه په ترکیه کې د ناکامې کودتا پر خلاف د ملت د غبرګون نه ستاینه کړې ده .
ولسمشر اردوغان په پیغام کې داسې ویلي دي « نن ورځ ترکیه د جولای د ۱۵ مې نیټې د سهار په پرتله لا قوي، پياوړی، مضبوط او عظیم هیواد دی. »
ولسمشر اردوغان په خپور کړي پيغام کې ددې خبرې په ټینګار ویلي دي چې « ددې ستر هیواد او قهرمان ملت د ولسمشر په توګه افتخار کوم . نن د غازي مصطفی کمال اتاترک په مشرۍ اعلان شوي د ترکیې د وروستي دولت ، د ترکیې د جمهوري نظام د تاسیس ۹۳ یمه کلیزه ده . ترک ملت چې هیڅکله هم حسارت او پردو تحمیلونو ته غاړه نده ایښې، د هیواد د خپلواکۍ او روښانه راتلوونکي د دښمنانو او یرغلګرو پر وړاندې په پیل کړې د خپلواکۍ په مبارزه کې داسې د قهرمانۍ داستان لیکلی دی چې په نړۍ کې ساری نلري. »
ولسمشر اردوغان په خپور کړي پیغام کې زیاته کړې ده چې په ترکیه کې ددې لوی او ستر بري نه وروسته د ۱۹۲۳ کال د اکتوبر په ۲۳ مه نیټه ( خپلواکي پرته د قید او شرط نه د ملت ده ) د اصل سره هیواد محاصر مدنیت سویې ته د رسولو په خاطر د جمهوریت بڼسټ کیښودل شو.
په ترکیه کې جمهوریت د ۲۲۰۰ کلن دولت عنعنې او تجربې ، او پدې جغرافیه کې د سلجوقیانو او عثمانیانو د زر کلن میراث ، او د هغه وختونو د سختو شرایطو نه د ترلاسه شوو لاسته راوړنو په پایله کې جوړ شوی دی.
د ترکیې جمهوریت پدې ۹۳ کلن تاریخ کې ډیرې زیاتې لوړې او ژورې لیدلي دي خو ټولو سره سره يي پرمختګ ته دوام ورکړی دی . په ځانګړې توګه د ترکیې جمهوریت پدې وروستیو کلونو کې د اوچت کړو پیاوړو او مضبوطو ګامونو سره په نړۍ په ځلیدونکي ستوري بدل شوی هیواد دی.
ترکیه نن ورځ د قوي او پیاوړي اقتصاد، قوي ډیموکراسۍ، بشري حقونو ته د درناوي او هر اړخیز بهرني سیاست سره د سیمې او نړۍ لپاره د الهام په سرچینې بدل شوی هیواد دی.
ولسمشر اردوغان په خپور کړي پيغام کې د جولای د ۱۵ مې په اړه ویلي دي چې « پور باور لري چې ټول ترکان خوا په ترکیه کې او خوا د نړۍ په نورو هیوادونو کې میشت وي او د ترکیې ټول دوستان د جولای په ۱۵ مه نیټه د ترک ملت په قهرمانۍ او لیکلي داستان افتخار کوي. ترک ملت د جولای په ۱۵ مه نیټه هم د کودتا، هم د یو ستر ترهګریز برید او هم د یو ستر یرغل مخه ونیوله. ددې ستر فلاکت نه وروسته د جمهوریت د نظام د تاسیس ۹۳ یمه کلیزه لمانځو.
ولسمشر اردوغان په خپور کړي پیغام په یووالي ، اتحاد او اتفاق د ټینګار سره ویلي دي چې « د ترکیې د یووالي، اتحاد ، اتفاق،ورورولۍ، وطن، استقلال او روښانه راتلونکي دښمنان به خپلو ناوړو موخو ته ونه رسیږي. »
ولسمشر اردوغان زیاته کړې ده چې ترکیه د قوي ارادې سره پرمختګ ته دوام ورکوي او ترهګریز سازمانونه به د خپلو ورانکارانه فعالیتونو سره ددې پرمختګ او ودې مخه ونه نیسي. ترکیې دولت او حکومت د ټاکلونو هدفونو پر وړاندې پر مخ روان دی.
د ترکیې د ملي شورا ریس اسماعیل قهرمان هم د جمهوریت د تاسیس د ۹۳ یمې کلیزې په مناسبت د مبارکۍ پیغام خپور کړی دی.
د ملي شورا ریس د اکتوبر ۲۹ مه د جمهوریت ۹۳ یمه کلیزې له امله ټولو هیوادونو ته مبارکي ویلې ده.
هغه په پیغام کې ددې خبرې په ټینګار ویلي دي چې « د ترکیې په اړه د امپریالستو او یرغلګرو دولتونو شوم پلان ترک ملت د قوي ارادې او عظم سره شنډ کړل. ترک ملت د اوچت کړو قوي ګامونو سره خپله خپلواکي او استقلال ترلاسه کړ.
د هیواد لومړي وزیر بنعلي ییلدرم هم د اکتوبر ۲۹ مې د جمهوریت د ۹۳ یمې کلیزې په مناسبت د مبارکۍ پیغام خپور کړی دی.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله