اردوغان د ملګروملتونو د ۷۱ کلیزې په اړه پیغام خپور کړ

د ترکیې  ولسمشر رجب طیب اردوغان  د ملګروملتونو سازمان  د تاسیس د ۷۱ یمې کلیزې په مناسبت  پيغام  خپور کړ.

ولسمشر اردوغان په خپور کړي پيغام کې  ددې خبرې په ټینګار ویلي دي « غواړو چې  د ترهګرۍ پر وړاندې مبارزه  د ملګروملتونو سازمان په مشرۍ  ترسره شي »

ولسمشر اردوغان  ویلي دي چې  « د ترهګرۍ ستونزه  یواځې  د ترکیې  نه بلکې  د ټولې نړۍ ګډه ستونزه ده. ددې په هیله چې  د داعش ، القاعدې، پې کاکا، پي وای ډي، وای پي جي ، ډي اچ کا پي جي  او فتو  په څیر ترهګریزو سازمانونو  او ډلو چې د ټولې نړۍ امنیت ته يي ستر ګواښ مخامخ کړی دی  ، د ملګروملتونو د سازمان ټول غړي  هیوادونه  ددوې پر خلاف په مبارزه کې همکارۍ او غوره کړي دریځ ته دوام  ورکړي. »

ولسمشر اردوغان په خپور کړي پیغام  کې ویلي دي چې «  ددې په هیله چې د ملګروملتونو د سازمان  ۷۱ یمه کلیزه  د ترک ملت چې د یاد شوي سازمان  د بڼسټ ایښودونکو له جمع نه  دی  او ټول بشریت  لپاره  د خیر او برکت نه یو ډک  کال وي »

هغه ویلي دي چې  ترکیې د ملګروملتونو د سازمان  د تاسیس نه راپدیخوا  تل  د نوموړي سازمان  د ارزښتونو نه  قوي دفاع کړې ده او په نړۍ کې  د سولې او امنیت د ټینګښت په برخه کې  د منځګړتوب، پراختیا، بشري مرستو، مدنیتونو اتقاق  او چاپیریال په برخه کې  ډیر مهم  او رغنده  رول  لوبولی دی.

ولسمشر اردوغان ویلي دي چې  ترکیې  د یو پلو نه  د ملګروملتونو د سازمان  سره خپلې مالي مرستې  په منظم  ډول سره  ډیرې کړي دي او د بل پلوه  استانبول  چې  د نړۍ د لویو وچو  د تقاطع په نقطه کې  موقعیت لري  د یاد شوي سازمان په مرکزیت د بدولو  په خاطر  هلې ځلې کوي.

ولسمشر اردوغان ویلي دي «  پوره باور لري چې  د استانبول ښار د خپل قدیم تاریخ، بډایه  کولتور، ستراتیژیک موقعیت  او طبعي ښکلا  سره  به د ملګروملتونو د سازمان د مرکز د مسولیت  د په غاړه اخیستو سره  به د یاد شوي سازمان د ماموریتونو سره  لا زیاته مرسته وکړي. »

ولسمشر اردوغان  د پیغام په پای کې ویلي دي « غواړي چې په نړۍ کې د ترهګرۍ پر وړاندې د مبارزې مشري  د ملګروملتونو سازمان په غاړه واخلي.»

هغه ویلي دي چې  ترکیې د سوریې او عراق په میلیونونو تنو کډوالو ته د پناه ورکولو سره  په اصل کې  د نړۍوال وجدان د ګډ غږ  دنده  ترسره کوي.