اردوغان دا ځل پر امريكا سختې نيوكې وكړې.
ولسمشر رجب طيب اردوغان يوې غونډې ته د وينا پرمهال د امريكا د متحدو ايالتونو چارواكي له دې امله وغندل چې د فتح الله ګولن د ترهګرې ډلې مشر چې په دې هېواد كې مېشت دى، تركيې ته تر اوسه پورې نه دى تسليم كړى.
![اردوغان دا ځل پر امريكا سختې نيوكې وكړې.](http://cdn.trt.net.tr/images/xlarge/rectangle/7e86/3472/b161/57fe01c9725d0.jpg?time=1719127943)
ولسمشر رجب طيب اردوغان يوې غونډې ته د وينا پرمهال د امريكا د متحدو ايالتونو چارواكي له دې امله وغندل چې د فتح الله ګولن د ترهګرې ډلې مشر چې په دې هېواد كې مېشت دى، تركيې ته تر اوسه پورې نه دى تسليم كړى.
اردوغان وويل چې امريكايي چارواكو د پې كا كا د جدايي غوښتنې ترهګرې ډلې مشر موږ ته تسليم كړ خو د بلې ترهګرې ډلې مشر فتح الله ګولن يې له ځانه سره ساتلى دى.
اردوغان يو ځل بيا امريكايي چارواكو ته خبردارى وركړ چې كه چېرې تركيې ته د فتح الله ګولن د ترهګرې ډلې د مشر د سپارل كېدو بهير وځنډيږي نو پدې برخه كې به د تركيې په دريځ كې هم بدلون راشي.
ولسمشر اردوغان ددې هېواد پر قضايي سيستم باندې هم نيوكې وكړې او زياته يې كړه چې `` امريكايي څارنوالان د همدې ترهګرې ډلې لخوا پخوا تركيې ته راوړل شوي، مېلمه پالنه يې شوې او بيا بېرته لېږل شوي دي. دا په داسې حال كې ده چې شپږ مېاشتې وړاندې د تركيې يو هېوادوال په امريكا كې نيول شوى او د محاكمې پرته په زندان كې پروت دى.``
اردوغان د امريكا په قضايه قوه كې د دوه مخي چلند نه په يادونې سره وويل چې ``د فتح الله ګولن د سپارلو په موخه مو ټول اسناد هغوى ته سپارلي دي خو دوى وايي چې دلته قضايي قوه خپلواكه ده. دا په داسې حال كې ده چې بل تركي هېوادوال د محاكمې پرته په زندان كې دى.``
اردوغان زياته كړه چې تركيې امريكايي چارواكو د دوى د غوښتنې سره سم هر ترهګر سپارلى دى خو هغوى اوس دا ترهګر `` فتح الله ګولن`` موږ ته ولې نه سپاري.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719127943)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719127943)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله