ترکیې د عراق د پارلمان پر خلاف سخت غبرګون څرګند کړ
ترکیې د عراق د پارلمان پر خلاف چې په نوموړي هیواد کې د میشتو ترکي ځواکونه د یرغلګرو ځواکونو په توګه یادونه کړې ده سخت غبرګون څرګند کړ
د عراق پارلمان د د ترکیې د پارلمان لخوا ددوی په هیواد کې د ترکي ځواکونو د پاتې کیدو د مودې د غځولو پریکړه رد کړه او ویلي دي چې چې دا پریکړه به تایید نکړي.
ترکیې د عراق د پارلمان ددې چلند پر خلاف سخت غبرګون وښود.
د ترکیې د بهرنیو چارو وزارت د مسلې اړوند په خپره کړې خبرپاڼه کې د عراق د پارلمان دا پریکړه په کلکو ټکو وغندله.
په خبرپاڼه کې راغلي دي چې « د عراق د پارلمان لخوا د ترکیې په اړه یو پلوې او د تورونو نه ډک دریځ او پریکړه غندو. په ځانګړې توګه د پریکړې هغه برخه چې د ترکیې په ولسمشر ښاغلي اردوغان بې بڼسټه او چټل تورونه لګول شوي دي غندو او د منلو وړ ندي. »
په خبر پاڼه کې راغلي دي چې د ترکیې په اړه د عراق د پارلمان پریکړه چې د کلونو کلونو راهیسې په هره برخه کې د عراق خلکو ته د مرستې لاس اوږد کړی او د نوموړي هیواد سره يي د مرستو او ملاتړ په خاطر خپل ټول امکانات سفربر کړي د منلو وړ نده او د عراق د خلکو د لویې برخې استازیتوب نکوي.
په خبرپاڼه کې راغلي دي « عراق چې د ترکیې نه خپل ملي امنیت ته د تهدید په توګه یادونه کړې ده د داعش ترهګرې ډلې پر خلاف چې عراق ته ستر ګواښ مخامخ کړی دی د پیل راهیسې قوي مبارزه کړې ، او د داعش پر خلاف د نړۍوال ایتلاف د غړي په توګه ، نړۍوالې مبارزې نه هر ډول ملاتړ کوي.»
« ترکیې د کلونو کلونو راهیسې د ترهګرۍ له امله چې مرکز يي په عراق دی په زرګونو تنه وګړي د لاسه ورکړي او په عراق کې د مذهبي نښتو په پایله کې د رامنځته شوې بې ثباتۍ او بې استقرارۍ له امله تر ټولو زیات اغیزمن شوی هیواد دی. ددې ټولو سره سره د عراق د ارضي تمامیت، ملي حاکمیت ، استقرار او امنیت په خاطر د ډیرو لویو سیاسي او اقتصادي بدلونو په ورکولو سره تل د عراق نه دفاع کړې ده .
تر ننه پورې ترکیې عراق ته هیڅډول تهدید ندی مخامخ کړی . »
په خبر پاڼه کې راغلي دي « دا لومړی ځل ندی چې د ترکیې ملي شورا په عراق کې د ترکي ځواکونو د پاتې کیدو موده غځوي او ترکي ځواکونو ته په عراق کې د عملیاتو اجازه ورکوي. د عراق ولسي جرګې د ۲۰۰۷ کال راهیسې تل ددې مسلې نه ملاتړ کړی . خو پداسې یو حساس وخت کې چې ترکیه او عراق دواړه د هر وخت نه لا زیات د ترهګرۍ ګواښونو سره مخامخ دي د عراق د ولسي جرګې لخوا ددې پریکړې ردول او پدې اړه غبرګون ښودل د معنا نه ډکه خبره ده. »
په خبرپاڼه کې راغلي دي ، ترکیه لکه څرنګه چې د ترهګریزو سازمانونو پر خلاف په مبارزه کې ، چې د هیواد ملي امنیت ته يي ستر ګواښ مخامخ کړی د مشروع دفاع حق نه استفاده کوي همداشان د عراق د ملي حاکمیت او ارضي تمامیت نه هم دفاع کوي.
د یادولو وړ ده چې د عراق ولسي جرګې د تیرې ورځې په غونډه کې په ترکیې ځینې بې بڼسټه تورونه ولګول او د ترکیې د ولسي جرګې لخوا په عراق کې د ترکي سرتیرو د پاتې کیدو د مودې غځولو پریکړه رد کړه.
د عراق ولسي جرګې په پرونۍ غونډه کې په نوموړي هیواد کې د ترکي سرتیرو نه چې د عراقي سرتیرو د روزنې په خاطر میشت دي د یرغلګرو ځواکونو په توګه یادونه وکړه ، د ولسمشر اردوغان وروستۍ څرګندونې وغندلې او عراق د حکومت نه يي د ترکیې سره په سوداګریزو او اقتصادي اړیکو د بیا کتنې غوښتنه وکړه.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله