ترکیې د کابل بریدونه په کلکو ټکو وغندل
ترکیې د افغانستان په پلازمینه کابل کې د ملي دفاع وزارت په پرسونل او په خیریه موسسې ترسره شوي ځانمرګي بریدونه په کلکو ټکو وغندل.
ترکیې د افغانستان په پلازمینه کابل کې د ملي دفاع وزارت په پرسونل او په خیریه موسسې ترسره شوي ځانمرګي بریدونه په کلکو ټکو وغندل.
د ترکیې د بهرنیو چارو وزارت لخوا په خپره شوې خبرپاڼه کې ویل شوي دي چې په خواشینۍ سره مو پرون د مازیګر په ساعتونو کې په کابل کې د ملي دفاع وزارت په مخکې د غبرګو چاودنو په اړه چې له امله يي نږدې ۳۰ تنو ژوند د لاسه ورکړی او ۹۲ تنه نور ټپیان شوي دي خبر ترلاسه کړ.
ترکیه دا بریدونه په کلکو ټکو غندي او د پیښې قربانیانو ته د الله د دربار څخه د رحمت او مغفرت، ټپیانو ته د عاجلې شفاء ، د قربانیانو کورنیو او افغان حکومت او ورور ملت ته د جمیل صبر غوښتنه کوو او غم شریکي ورسره کوو.
د ترکیې حکومت پوره باور لري چې دا ډول منفور بریدونه به د افغانستان حکومت او ورور او دوست افغان ملت چې د مختلفو امتحانونو نه تیریږي هیڅوخت ضعیفه نکړي . افغانستان چې د نړۍوالې ټولنې په مرستې د ترهګرۍ پر وړانډې د مبارزې ، د هیواد د ودې او پراختیا په برخه کې د پام وړ پرمختګ کړی دی په همدې شان به پرمختګ ته دوام ورکړي.
ترکیه پدې بهیر کې د ورور او دوست هیواد افغانستان سره همغږۍ او همکارۍ ته دوام ورکړي او د افغان ملت نه خپل قوي ملاتړ اعلانوي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله