نن سولې ورځ ده.
نن د سپتمبر لومړۍ نېټه د نړۍ په يو زيات شمېر هېوادونو كې د سولې د ورځې په توګه لمانځل كيږي.
![نن سولې ورځ ده.](http://cdn.trt.net.tr/images/xlarge/rectangle/cd69/e21d/9978/57c7cc387d626.jpg?time=1719312396)
نن د سپتمبر لومړۍ نېټه د نړۍ په يو زيات شمېر هېوادونو كې د سولې د ورځې په توګه لمانځل كيږي. دا ورځ د هېټلر په مشرۍ د نازي جرمني لخوا پر پولنډ باندې د بريد د ورځې د كليزې سره اړخ لګوي چې د تركيې په ګډون د پخواني شوروي اتحاد د يو زيات شمېر هېوادونو لخوا د سولې د ورځې په توګه لمانځل كيږي.
د دويمې نړېوالې جګړې د پاى ته رسېدلو نه وروسته د ورته خونړي ناورين د مخنيوي په موخه د ملګرو ملتونو په څېر د يو نړيوال سازمان د جوړېدلو په برخه كې ټول هېوادونه سره همغږي شول. په دې ډول د تېرو څه كم ۷۰ كلونو په اوږدو كې د بلې نړيوالې جګړې مخه ونيول شوه خو بيا هم يو زيات شمېر سيمه ايزې جګړې او ناوخوالې اوس هم دوام لري. د ملګرو ملتونو په چوكاټ كې د امنيت شورا چې اجرايوي صلاحيت لري د ۵ دايمي غړو په انحصار كې ده. ددې شورا پر جوړښت باندې د يو زيات شمېر هېوادونو د نيوكو سره سره اوس هم فعاليت لري. ددې امله د يو زيات شمېر نړيوالو ستونزو د آواري په برخه كې دا شورا پاتې راغلې ده. د بېلګې په ډول د فلسطين ستونزه د ۴ دايمي غړيو د ويتو د حق له امله اوس هم دوام لري.
ددې شورا پر جوړښت باندې د لومړي ځل لپاره د تركيې ولسمشر رجب طيب اردوغان نيوكې وكړې. د اردوغان مشهوره جمله چې `` نړۍ تر ۵ لويه ده`` اوس د يو زيات شمېر نورو هېوادونو لخوا هم ترې ملاتړ كيږي.
پدې هيله چې د ملګرو ملتونو د امنيت شورا چې د نړۍ امنيت ور په غاړه دى په ديموكراتيكه فضا كې بدلون ومومي او د مساواتو د اصل پر اساس په بېطرفانه توګه د نړۍ د سولې لپاره كار وكړي.
پدې ډول د سپتمبر لومړى د نړۍ د سولې د ورځې له امله ټولو ته مباركي وايو.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719312396)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719312396)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله