ترهګرو تركيه د غم پر ټغر كېنوله.
د تركيې په ختيځ كې د غازي انتب په ولايت كې د واده پر مراسمو باندې د ترهګري بريد په پايله كې لږ تر لږه ۵۰ تنه ووژل شول.
دا بريد چې د ښار په مركزي سيمه كې د يو ښوونځي په انګړ كې د واده د مراسمو پر مهال ترسره شو، ۷۴ تنه په كې ټپيان شوي دي.
د غازي انتب والي د بريد په اړه وويل چې په داسې شواهد په لاس كې لري چې بريد دې د ځانمرګي بريد كوونكي لخوا ترسره شوى وي.
كه څه هم تر اوسه پورې د بريد پړه چا پر غاړه نه ده اخيستې خو چارواكي وايي چې دا ډول بريدونه د پې كا كا او داعش د ترهګرو ډلو لخوا ترسره كيږي.
امنيتي سرچينې پدې خونړي بريد كې د داعش د لاس لرو په اړه څېړنې كوي.
د بله پلوه ولسمشر رجب طيب اردوغان او لومړي وزير بنعلي ييلدرم د پېښې په اړه معلومات ترلاسه كړل.
د بله پلوه ددې زړه بوږنوونكې پېښې د څېړنې په موخه د لومړي وزير محمد شيمشك په مشرۍ يو پلاوى سيمې ته تللى دى. شيمشك خبريالانو ته وويل چې د بريدونو اصلي موخه په تركيه كې د ثبات او حضور د لمنځه وړل دي. نوموړي همداراز د غازي انتب له خلكو غوښتنه وكړه چې د پاروونكو اعمالو ډډه وكړي.
د شيمشك په وينا په سيمه كې لويې سياسي لوبې روانې دي. د يو ملت په توګه بايد د سليم عقل په كارولو او د يووالي په فضا كې ددې سياسي لوبو مخه به ونيول شي.
شيمشك همداراز د ترهګرۍ سره د مبارزې په موخه ټينګار وكړ چې دولت به د بريد د قربانيانو غچ واخلي.
دا په داسې حال كې ده چې په همدې ښار كې پوره ۴ كاله وړاندې په همدې ورځ د پې كا كا د ترهګرې ډلې په يو بريد كې ۱۰ تنه هېوادوال وژل شوي ول.
اړوند خبرونه
تورکیې وویل چې د اسرائیلو لخوا پر لبنان برید کول په ټوله سیمه کې د ګډوډۍ د هڅو لپاره یو نوی پړاو دی.
د تورکیې د بهرنیو چارو وزارت په لبنان باندې د اسرائیلو د بریدونو او تاوتریخوالی په اړه بیان خپور کړ.