د ولسمشر اردوغان په مشرۍ امنیتي غونډه وشوه

په ترکیه کې  د پې کاکا ترهګرې ډلې لخوا د پر پسې  ترهګریزو بریدونو نه وروسته تیره شپه د ولسمشر رجب طیب اردوغان په مشرۍ  د امنیتي سرمشریزه وشوه.

پدې سرمشریزه کې  لومړي وزیر بنعلي ییلدرم، لوی درستیز خلوصي اکار، ملي دفاع وزیر فکري اشق، کورنیو چارو وزیر ایفکان اعلی او امنیتي مقاماتو ګډون کړی وو.

په سرمشریزه کې  په هیواد کې د وروستیو ترهګریزو پیښو سربیره د امنیتي ګواښونو او تدابیرو په مسلې خبرې وشوې.