د ترکیې لومړي وزیر په هیواد کې د بهرنیو هیوادونو د سفیرانو سره لیدنه وکړه

د ترکیې لومړي وزیر بنعلي ییلدرم وویل چې  ترهګرو ته به اجازه ورنکړي چې  خپلو چټلو موخو ته ورسیږي.

لومړي وزیر ییلدرم دا څرګندونې په ترکیه کې  د بهرنیو هیوادونو د ډیپلوماټانو په ویاړ  د چانکایا په مانۍ کې په جوړه کړې میلمستیا کې وکړې.

لومړي وزیر په نوموړې میلمستیا کې د وینا په ترڅ کې وویل چې د پې کاکا ترهګره ډله  د ملکي وګړو، پولیسو، عسکرو، ښځو او ماشومانو ترمنځه د توپیر په نه کولو په ډیره خائنانه  ډول  په ټولو د یو لبه  بریدونه کوي. هغه  په نړۍ کې د پې کاکا ترهګرې دلې په ګډون په ټولو ترهګرو ډلو چې  د معصومو او بې ګناه انسانانو د وژنې سره  د نړۍ د استقرار د لمنځه وړو  او د بې ثباتۍ  د رامنځته کولو هڅه کوي  لعنت ووایه.

لومړي وزیر  وویل چې  ترهګرې ډلې  د یو بل سره  د همکارۍ او همغږۍ په چوکاټ کې  په دیموکراسۍ، حقوقو  او ملکي وګړو بې رحمانه بریدونه کوي  .

هغه وویل  « ټولې ترهګرې ډلې  او سازمانونه باید پدې ښه پوه شي چې  نه په ترکیه او نه د نړۍ په بل ګوټ کې  خپلو شومو  او چټلو موخو ته  رسیدلی نشي.»

لومړي وزیر ییلدرم  په ترکیه کې د بهرنیو هیوادونو د سفیرانو نه  د جولای د ۱۵ مې کودتا  نه یوه ورځ وروسته د ترکیې د مشروع حکومت نه د ملاتړ ښودولو په خاطر  د ملي شورا په عمومي غونډه کې ګډون له امله  مننه وکړه.

هغه وویل چې  د کودتا نه  څه باندې  یوه میاشت تیریږي. دا لومړی ځل دی چې  د څه باندې سلو بهرنیو هیوادونو د سفیرانو سره  لیدنه کوي. هغه وویل غواړي چې تل  په هیواد کې د بهرنیو هیوادونو د سفیرانو سره  د تماس په حال کې اوسي. لومړي وزیر وویل چې  په ترکیه کې د روانو پرمختګونو  په اړه د بهرنیو هیوادونو ډیپلوماټانو ته  په مخامخ ډول  معلوماتو ورکولو او د هغوې د نظریو اخیستو ته ځانګړی اهمیت ورکوي.

لومړي وزیر ییلدرم  په ترکیه کې  د جولای د ۱۵ مې کودتا اړوند د نړۍ د دریځ په اړه  ګیله وکړه او وویل « تاسې وګورۍ په فرانسه کې د شارلي هیبدو د پیښې نه وروسته  ټوله نړۍ پاریس ته لاړه  او دا پیښه هلته وغندله. په ترکیه کې کودتا وشوه  او کودتا ناکامه شوه. د جولای په ۱۶ مه نیټه ټولۍ نړۍ ته خبر ورکړ شو. زما په ګډون ټولې ترکیې  د نړۍوالې ټولنې نه  د پاریس  په څیر د همغږۍ تمه درلوده. مونږ  تمه درلوده چې د نړۍ مشران  ترکیې ته راشي  او د ترکیې د قوي ډیموکراسۍ نه  ملاتړ څرګند کړي خو له بده مرغه چې داسې ونشو. »

لومړي وزیر ییلدرم  وویل چې  ترکیې د جولای د ۱۵ مې کودتا نه وروسته  یو ځل بیا نړۍ ته په هره برخه کې خپل قوت او طاقت  ښکاره کړ. ددې په مقابل کې  ځینو د اقتصادي درجه بندیزو سازمازنونو  په بیړه بیړه  د ترکیې پر خلاف ځیني منفي راپورونو په خپرولو پيل وکړ.

هغه وویل چې ټوله نړۍ پدې ښه پوهیږي چې  د ترکیې اقتصاد قوي دی  او هیڅډول کوم زیان  ورته ندی اوښتی. هغه وویل چې  په ترکیه کې  اقتصاد د جولای د ۱۵ مې د کودتا نه د مخکې په څیر  قوي دی او کوم  بدلون پکې ندی راغلی. نن ورځ لا په ښه  سویه کې قرار لري.