ترکیه : د امریکا متحده ایالتونو د NBC تلویزیون باید هر څه ژر د ترکیې نه بښنه وغواړي
د امریکا د ان بي سي تلویزیون په ترکیه کې د کودتا په شپه ولسمشر اردوغان جرمني ته وتښتید ادعا کړې وه
ترکیې د امریکا متحده ایالتونو د NBC تلویزیون ته هر څه ژر د ترک ملت نه د بښنې غوښتو بلنه ورکړه.
د ویلو ده چې د امریکا د NBC تلویزیون په ترکیه کې د جولای په ۱۵ مه د فتح الله ګولن ترهګریز سازمان او موازي دولت ساختار لخوا د ناکامې کودتا د پیلیدو نه وروسته ( د ترکیې ولسمشر رجب طیب اردوغان ) جرمني ته وتښتید په څیر خبر خپور کړ.
په امریکا کې د ترکیې سفارت یاد شوي امریکايي تلویزیوني کانال ته د خپور کړي درواغ ، بې بڼسټه او غلط خبر له امله د ترک ملت نه د بښنې غوښتو بلنه ورکړه. په امریکا کې د ترکیې سفارت یاد شوي تلویزیون ته لیک استولی دی . په لیک کې ددې خبرې په ټینګار لیکل شوي دي چې د NBC تلویزیون د ژونالیزم په برخه کې نه بښوونکې خطا کړې ده . ددې خطا له امله هر څه ژر باید د ترکیې د ملت او دولت نه بښنه وغواړي.
د ویلو ده چې په ترکیه کې د جولای د ۱۵ مې د ناکامې کودتا په شپه د امریکا د NBC تلویزیون د ترکیې ولسمشر اردوغان جرمني ته وتښتید او د جرمني نه د پناه غوښتنه وکړه په څیر خبر خپور کړی وو. یاد شوي تلویزیون پداسې حال کې دا خبر خپور کړی وو چې د ترکیې ولسمشر رجب طیب اردوغان د ترکیې د مارماریس د دوو ساعتونو په دننه کې استانبول ته راورسید. په استانبول کې خبري غونډه کې څرګندونې وکړې او په ملت يي د کودتاچیانو پر خلاف د میدانونو ته د وتو غږ وکړ.
د امریکا د NBC تلویزیون د هیواد د عسکري سرچینو له قوله دا خبر خپور کړی وو چې په لنډه موده کې د یو زیات شمیر نورو تلویزیونو او خبري رسنیو لخوا هم خپور شوی وو.
د ترکیې سفارت یاد شوي تلویزیون ته په استولي لیک کې ددې خبرې په ټینګار لیکلي دي چې د ترکیې لپاره پداسې یو حیاتي او حساس وخت کې د داسې یو غلط خبر خپرول لویه بې مسولیتي او د ژونالیزم د قواعدو نه ښکاره سرغړونه ده. دې غلط او بې بڼسټه خبر په هیواد او نړۍ کې بدې پایلې رامنځته کولی شوې چې د الله په فضل کې د ولسمشر اردوغان لخوا د خبري غونډې د جوړیدو سره ددې خبر ارزښت له منځه ولاړ.
په لیک کې په تلویزیون غږ شوی دی چې هر خبري کانال مخکې ددینه چې یو خبر او بیا د یو هیواد د ولسمشر په اړه خبر خپروي مجبور دي چې د ډیر ډاډمنې سرچینې د تایید نه د مخه هغه خپور نکړي.
په لیک کې ویل شوي دي چې یاد شوي تلویزیون وروسته دا خبر پاک کړ خو د ترکیې او خپلو نندارچیانو نه يي بښنه نده غوښتې.
په لیک کې راغلي دي چې د NBC تلویزیون ددې بې باکۍ او بې مسولیتۍ له امله هر څه ژر په رسمي توګه د ترکیې نه بښنې غوښتو ته رابولو.
یاد شوي تلویزیون ادعا کړې وه چې د ترکیې ولسمشر اردوغان الوتکې د جرمني پر لورې حرکت کړی دی . همداشان نوموړي تلویزیون ویلي وو چې دا خبر يي د امریکا د عسکري سرچینو نه ترلاسه کړی دی.
یاد شوي تلویزیون مشر کیلي ګریفن د خپل ټویټر د حساب لارې هم دا خبر خپور کړی وو. نوموړي په خپور کړي خبر کې ادعا کړې وه چې کودتا بریالۍ شوه او د ترکیې حکومت کودتاچیانو ونیو.
د بله پلوه په امریکا کې د ناسمو خبرونو پر وړاندې د مبارزې ادارې نیوزبود د NBC تلویزیون نه د خپور کړي نوموړي ناسم خبر له امله د جولای تر ۲۵ مې نیټې د ترکیې او خپلو نندارچیانو نه د بښنې غوښتو او د پدې اړه د عسکري چارواکیو نه د معلوماتو د غوښتو غوښتنه کړې وه .
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله