د ترکیې او روسیې د ولسمشرانو د لیدنې نیټه معلومه شوه.
د ترکیې او روسیې ولسمشرانو د اوږدې مودې وروسته د لومړي ځل لپاره مخامخ لیدنه کوي
![د ترکیې او روسیې د ولسمشرانو د لیدنې نیټه معلومه شوه.](http://cdn.trt.net.tr/images/xlarge/rectangle/d211/a804/ee5e/5797144cb034f.jpg?time=1719138034)
د ترکیې او روسیې د ولسمشرانو د لیدنې نیټه معلومه شوه. د ترکیې ولسمشر رجب طیب اردوغان به د اګست په ۹ مه نیټه د روسیې د سانت پیتیرسبورګ په ښار کې د نوموړي هیواد د ولسمشر ولادیمیر پوتین سره لیدنه وکړي.
د ویلو ده چې د ترکیې او روسیې ترمنځه په اړیکو کې د نوې پاڼې د پرانیستو نه وروسته دا لومړی ځل دی چې د دواړو هیوادونو مشرانو ترمنځه لیدنه کیږي.
د ترکیې او روسیې د ولسمشرانو د لیدنې نیټه د ترکیې د اقتصاد وزیر نیهاد زیبکچي او مرستیال لومړي وزیر محمد شمشک چې د رسمي سفر په ترڅ کې مسکو ته تللي دي اعلان کړه.
د هیواد مرستیال لومړي وزیر محمد شمشک په مسکو کې د روسیې د مرستیال لومړي وزیر ارکادي دوورکوویچ سره لیدنه وکړه. محمد شمشک د لیدنې نه وروسته د خبریالانو پوښتنې ځواب کړې.
هغه د ترکیې او روسیې د ولسمشرانو د لیدنې د نیټې په اړه د پوښتنې په ځواب کې وویل چې « دا لیدنه به د اګست په ۹ مه نیټه د روسیې د سانت پیتیرسبورګ په ښار کې ترسره شي »
مرستیال لومړي وزیر وویل چې د ترکیې او روسیې ترمنځه په اړیکو کې د نوې پاڼې د پرانیستو نه وروسته دا لومړی ځل دی چې د دواړو هیوادونو د مشرانو ترمنځه لیدنه کیږي.
دواړه هیوادونه اړیکې د تیر کال د نوامبر د ۲۴ مې د پیښې نه د مخه د سویې نه لا لوړې سویې ته د رسولو غوښټنه کوي.
د یادولو وړ ده چې د تیر کال د نوامبر په ۲۴ مه نیټه د روسي جنګي الوتکې لخوا د ترکیې په هوايي حریم د تیري نه وروسته د ترکیې لخوا وویشتل شوه.
دې پیښې د دواړو هیوادونو ترمنځه اړیکې خړې کړې. د هیواد ولسمشر رجب طیب اردوغان د اوږدې مودې وروسته د روسیې د ولسمشر ولادیمیر پوتین سره د ټیلیفون په کرښه خبرې وکړې او دواړو هیوادونو د اړیکو د نورمالولو او په اړیکو کې د نوې پاڼې د پرانیستو پریکړه.
ددې پرمختګ نه وروسته د ترکیې د بهرنیو چارو وزیر مولود چاوش اوغلو د روسیې د سوچي په ښار کې جوړه شوې د تورې بحیر د اقتصادي همکاریو په غونډه کې ګډون وکړ. د ترکیې د بهرنیو چارو وزیر ددې غونډې په چوکاټ کې د روسیې د بهرنیو چارو وزیر سرګي لاوروف سره هم لیدنه کړې وه.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719138034)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719138034)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله