د کودتاچیانو د نیولو او محاکمې لړۍ دوام لري

په ترکیه کې  د جولای د ۱۵مې د ناکامې کودتا نه وروسته د کودتاچیانو د نیولو لړۍ  او محاکمه  دوام لري.

په ترکیه کې  د وسله والو ځواکونو په لیکو کې  د ځای په ځای شوې  یوې ډلې  ترهګرو لخوا د ترسره شوې  ناکامې کودتا نه وروسته  ۱۲۵ تنه جنرالان  نیول شوي  وو، چې ددوی له جمع نه  ۱۱۹ تنه د کودتا  د تشبص، د ولسمشر د وژلو د تشبص، د بې ګناه هیوادوالو د وژنې  او یو زیات شمیر نورو تورونو په تور د محکمې په حپس محکوم شوي دي. د نیول شوو جنرالانو نه ۳ تنه  سترجنرالان  دي. ددوی په منځ کې د ترکیې د وسله وال پوځ دویم  قومندان هم  شتون لري.

همداشان  ۴ تنه جنرالان  خوشې شوي دي.

د نیول شوو  کسانو  نه  د لویې برخې  تحقیقات  اوس هم  دوام لري  او یوه برخه کې  څارنوالۍ ته  معرفي شوي دي.

د یادولو  وړ  ده  چې  د کوداچیانو پر خلاف د روانو عملیاتو په ترڅ کې تر اوسه پورې  ۱۰۴۱۰ تنه  نیول شوي دي چې  ددوی د جمع نه ۴۶۰۰ تنه د محاکمو لخوا  زندان ته استول شوي دي. د پاتو  د ځینو  تحقیقات دوام لري او ځیني  څارنوالۍ ته معرفي شوي دي.