په ترکیه کې اعلان شوی بیړنی حال د تیرې شپې د ۱ بجې نه په اعتبار نافذ شو
په ترکیه کې د ملي امنیت د شورا په غوښتنه د وزیرانو شورا د ۳ میاشتو لپاره بیړني حال د اعلانولو پریکړه وکړه
![په ترکیه کې اعلان شوی بیړنی حال د تیرې شپې د ۱ بجې نه په اعتبار نافذ شو](http://cdn.trt.net.tr/images/xlarge/rectangle/9e59/a93a/29b6/5790420107802.jpg?time=1719049715)
په ترکیه کې د ۳ میاشتو لپاره اعلان شوی بیړنی حال د تیرې شپې د یوې بجې نه په اعتبار سره نافذ شو.
په ترکیه کې د ملي امنیت د شورا په توصیې او د وزیرانو د شورا د پریکړې له مخې اعلان شوی بیړنی حال په رسمي جریده کې د خپریدو سره د ۲۰۱۶ کال د جولای د میاشتې د ۲۱مې نیټې د شپې د یوې بجې نه په اعتبار سره نافذ شو.
په ترکیه کې د جولای د ۱۵مې ناکامې کودتا د اقدام نه وروسته پرون د ملي امنیت د شورا غونډه وشوه. دا غونډه د هیواد د ولسمشر رجب طیب اردوغان په مشرۍ د ولسمشرۍ په ماڼۍ کې جوړه شوه.
د ملي امنیت شورا د غونډې نه سمدلاسه وروسته د وزیرانو شورا غونډه وشوه. د وزیرانو شورا غونډه هم د ولسمشر رجب طیب اردوغان په مشرۍ په جوړه شوه.
د هیواد د وزیرانو شورا د ډیموکراسۍ، حقوقو او ازادیو نه د لا ښه دفاع او ځواکمنتیا په موخه د ملي امنیت شورا د توصیې له مخې د ۳ میاشتو لپاره په ټول هیواد کې د بیړني حال د اعلانولو پریکړه وکړه.
په ټول هیواد کې د بیړني حال د اعلانولو په اړه د وزیرانو د شورا پریکړه د هیواد د رسمي جریدې د جولای د ۲۱ مې نیټې په ګڼه کې خپره شوه. د وزیرانو شورا په پریکړه کې ویل شوي دي چې د ترکیې د اساسي قانون د ۱۲۰ مې مادې او بیړني حالت د ۲۹۳۵ شمیرې قانون د دریمې مادې د ( ب ) بند له مخې په ټول هیواد کې د ۲۰۱۶ کال د جولای د میاشتې د ۲۱مې نيټې د شپې د یوې بجې نه وروسته د ۹۰ ورځو لپاره بیړنی حال اعلان شو.
د هیواد ولسمشر رجب طیب اردوغان د ملي امنیت د شورا او د وزیرانو د شورا د غونډو نه وروسته په خبري غونډه کې ګډون وکړ. ولسمشر رجب طیب اردوغان د تیرې سې شنبې په ورځ ویلي وو چې د چارشنبې په ورځ به مهمه پریکړه اعلان کړي.
ولسمشر اردوغان تیره ورځ دا مهمه پریکړه پخپله اعلان کړه. ولسمشر اردوغان د پریکړې د اعلانولو پر مهال په هیوادوالو غږ وکړ چې هیڅډول اندیښنه ونکړي، دا پریکړه په هیواد کې د ډیموکراسۍ، حقوقو او ازادیو نه د لا ښه دفاع او ځواکمنتیا او په اقتصادي برخو کې د لا ښو قوي ګامونو د پورته کولو او اصلاحاتو په خاطر شوې ده.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719049716)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719049716)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله