ولسمشر اردوغان د کودتا د ناکام اقدام نه وروسته د لومړي ځل لپاره انقرې ته راغی
ولسمشر اردوغان د مهمو پریکړو لپاره پلازمینې انقرې ته راغی
د ترکیې ولسمشر رجب طیب اردوغان د جولای د ۱۵ مې ناکامې خونړۍ کودتا نه وروسته د لومړي ځل لپاره پلازمینې انقرې ته راغی.
ولسمشر اردوغان چې د کودتا د پیلیدو پر مهال د هیواد د موغلا ولایت د مارماریس په ښار کې وو وروسته استانبول ته راغلی وو. ولسمشر اردوغان د کودتا د ناکامیدو نه راپدیخوا کې په استانبول کې وو چې تیره شپه د لومړي ځل لپاره انقرې ته راغی.
ولسمشر اردوغان انقرې ته د راتګ سره سم د ګرجستان لومړی وزیر چې د رسمي سفر په ترڅ کې ترکیې ته راغلی دی حضور ته ومانه.
ولسمشر اردوغان د ناکامې خونړۍ کودتا نه وروسته د لومړي ځل لپاره د ولسمشرۍ په ماڼۍ کې چې د کودتاچیانو لخوا پرې ډیر زیات بریدونو شوي بهرني مشر سره لیدنه وکړه.
د ولسمشر اردوغان او ګرجستان د لومړي وزیر په لیدنه کې د ترکیې لومړي وزیر بنعلي ییلدرم هم ګډون کړی وو.
ولسمشر اردوغان به نن د ملي امنیت د شورا په غونډه کې او د وزیرانو د شورا په غونډه کې شوې مهمې پریکړې اعلان کړي .
ولسمشر اردوغان تیره ورځ ویلي وو چې د ملي امنیت د شورا د غونډې وروسته د چار شنبې په ورځ به ډیرې مهمې پریکړې اعلان کړي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله