اردوغان د ویدیويي پیغام سره ملت ته خطاب وکړ
د ترکیې ولسمشر رجب طیب اردوغان د جولای ۱۵ مې ناکامې کودتا نه وروسته پیښې د ویدیويي پیغام په ترڅ کې وارزولې
د ترکیې ولسمشر رجب طیب اردوغان وویل چې د جولای د ۱۵ مې نیټې په شپه د کودتا د ناکام اقدام په مقابل کې ملت تاریخي دریځ او شهامت ښکاره کړ.
ولسمشر اردوغان ملت ته په خطاب کې په خپور کړي ویدیويي پیغام کې ویلي دي چې ملت ، پولیسو او وسله وال پوځ لاس په لاس کې د ورکولو سره د کودتا د ناکام اقدام په مقابل کې تاریخي دریځ او شهامت ښکاره کړ.
ولسمشر اردوغان پدې پیغام کې د ترک ملت ملي ارادې ته په اشارې سره وویل چې د ترکیې ملت د خپل هیواد او ملي ارادې نه په کلکه توګه د دفاع کولو سره د کودتاچیانو ټوپ، ټانک، چورلکو ، الوتکو او ټوپکو هیڅ کار ونکړ. که چیرې کودتاچیانو ټانک ، ټوپ او طیارې درلودلې په میلیونونو تنو هیوادوالو قوي ایمان درلود.
ولسمشر اردوغان د هیواد وسله وال پوځ ته په اشارې سره وویل چې د جولای ۱۵مې ناکامه کودتا د ترکیې د ملت سربیره د وسله والو ځواکونو سره ستر خیانت وو. هغه زیاته کړه چې ددې ناکامې کودتا په وسیله دې خاینینو چې په ټول هیواد کې په هر برخه کې د سرطاني حجرو په څیر ځالې جوړې کړې وې په وسله والو ځواکونو کې هم قوي ریښې ځغلولې چې انشاالله دا ټول به تصفیه کړې شي.
ولسمشر اردوغان د کودتاچیانو د عاقبت او جزا په اړه وویل « په نړۍ کې چې وطن ته د خیانت کومه جزا وي دا کودتاچیان به هم په هماغه جزا محکوم شي . »
ولسمشر اردوغان د لویدیځ لخوا د ترکیې په ډیموکراسۍ د نیوکو په ځواب کې وویل چې په ترکیه کې ډیموکراسي یواځې د کاغذ په مخکې پاتې نده، د ترکیې ملت د خپل ځان او خپلو وینو په بیه د ډیموکراسۍ د ارزښتونو نه دفاع نړۍ ته ښکاره کړه.
د کودتا نه وروسته رامنځته شوي پرمختګونه د ترکیې د ډیموکراسۍ ضعف ندی برعکس د دیموکراسۍ د قوت او طاقت ښکاره بیلګه ده. د ترکیې ملت د ډیموکراسۍ پر وړاندې صداقت نړۍ ته په ډیره ښه توګه په اثبات ورسو.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله