پر تركيې څه تېر شول؟ د پېښو لنډيز
په نظامي يونيفورم كې هغه خاينين چې د دولت لخوا د وركړل شوو شوبلو او ټوپكونو ميلونه يې د خپلو هېوادوالو پر لور واړول او د همدوى په پېسو د اخيستل شوو جنګي جټ الوتكو په واسطه يې پرې بمباري وكړه، بيا هم د همدې ملت د غضب سره مخامخ شو.
![پر تركيې څه تېر شول؟ د پېښو لنډيز](http://cdn.trt.net.tr/images/xlarge/rectangle/1e44/158b/e9bc/578cc8ee2586a.jpg?time=1719189416)
![darbe girişimi ve sonrası1.jpg](http://cdn.trt.net.tr/images/xlarge/rectangle/def6/bfc3/c4b8/578c9e09d67a4.jpg?time=1719189416)
په نظامي يونيفورم كې هغه خاينين چې د دولت لخوا د وركړل شوو شوبلو او ټوپكونو ميلونه يې د خپلو هېوادوالو پر لور واړول او د همدوى په پېسو د اخيستل شوو جنګي جټ الوتكو په واسطه يې پرې بمباري وكړه، بيا هم د همدې ملت د غضب سره مخامخ شو.
د جولاى په ۱۵مه تركي ملت د شهامت داستان په زرينو كرښو وليكولو. دې اتل ملت يو ځل بيا هغه چا ته غاښ ماتوونكى ځواب وركړ چې د دوى وطن، بيرغ، ټاكل شوي ولسمشر، د ملي شورا غړو، ملي يووالي، ديني عقيدې او د ژوند په ورځنيو چارو كې د مداخلې لپاره يې لاس اوږد كړى دى.
پدې لار كې ددې وطن د ۲۰۸ تنو اولادونو وينې توى شوې. روح دې ښاد وي او وينه دې رنګ راوړي.
دا خاينانه عمل په اصل كې د د جولاى د ۱۶مې په سهار عملي كېدلو خو د پلان د افشا كېدلو نه وروسته له كودتاچيانو لودن ورك شو.
ولسمشر اردوغان ددې خاينانه پلان د شنډولو په موخه د ټيلفوني اړيكې له لارې په ټلويزيون كې خپل هېوادوال خبر كړل.
د ولسمشر اردوغان او لومړي وزير بن علي يېلدرم د غوښتنې په اساس د هېواد په ګوډ ګوډ كې هېوادوال لارو او كوڅو ته را ووتل او كودتا ته يې اجازه ورنكړله.
د لوى درستيز د مقام په دفتر كې د ډزو غږونه واورېدل شول او په پلازمېنه انقره كې د چورلكې لخوا پر عامو وګړو ډزې پيل شوې. سربېره پر دې د انقرې آسمان بيا د جټ د الوتكو د انګازو نه ډك شوى وو.
د جټ الوتكو او چورلكو لخوا په مهمو ودانيو بمباري وشوه. د تركيې د لوى درستيز د مقام دفتر، د ملي استخباراتو د ادارې مقر او د كمانډو پوليسو مركز د څو ساعتونو لپاره تر ځمكنيو او هوايي بريدونو لاندې راغى.
لوى درستيز سترجنرال خلوصي آكار د يوې ډلې كودتاچيانو لخوا وتښتول شو.
اكار د تش په نامه اضطراري حالت د پرېكړې د متن د لاسليكولو نه د ډډې په پايله كې د خاينينو لخوا يې مرۍ په كمربند وتړل شوه او وزورل شو.
په همدې شېبو كې د وسله والو ځواكونو په رسمي انټرنېټي پاڼه كې د كودتا اعلاميه خپره شوه، په استانبول كې په مهمو نقطو كې ټانكونه ځاى پر ځاى او د تركيې د راډيو ټلوېزيون په ادارې باندې يرغل وشو. د تش په نامه كودتاچي رژيم اعلاميه د وسلې د ميل په زور په ژوندۍ بڼه ولوستل شوه.
دا هغه مهال وو چې د تركيې په ګوډ ګوډ كې سلګونه زره كسان په داسې حال كې چې د تركيې بيرغونه يې په لاس كې ول ميدانونو ته را ووتل او د شوبلو او ټوپكونو د ميلونو پر وړاندې يې خپله سينه سپر كړه.
د اردو اصلي قوماندانانو پر خاينو كودتاچيانو غږ وكړ چې خپلو قشلو ته ستانه شي.
شېبه وروسته د خلكو لخوا ټي آر ټي له سرتېرو بېرته ونيول شوه.
د ملي استخباراتو رياست هم د كودتاچيانو د په شا تمبولو خبر وركړ.
كودتاچيانو د لوى درستيز د مخابراتي سيستم په كارولو سره خپلو پلويانو ته هغه ۲۰ مادييز پلان لېږلى وو چې له مخې به يې د شپې په درې بجو كودتا كوي او د سهار په شپږو بجو به په ټول هېواد كې بېړنى حالت اعلانوي.
په اعلاميه كې د بېړني حالت د قوماندانيو او محاكمو د جوړولو او ددې محاكمو د پرسونل نومونه هم ذكر شوي ول.
اوس پوښتنه دلته ده چې ولې يې پلان ۸ ساعته بدلون وموند.
يو تن په هېواد مين سرتيري پوليسو ته د ټېلفون پر كرښه خبر وركړ چې نظاميان نن شپه د خپلو هډو را وځي او عاموژنه كوي.
د دوى د پلان د شنډېډو سره سم ۸ ساعته وړاندې دويم پلان عملي شو. لارو او كوڅو ته د شوبلو، توپونو، الوتكو او چورلكو سره را ووتل او سلګونه يې شهيدان كړل.
د خاينينو پلان د ولسمشر اردوغان د درايت، د امنيتي ځواكونو د مقاومت او د اوردو د لومړي نمبر قوماندانۍ د تدابيرو په پايله كې ملي ارادې او ديموكراسۍ وګټله.
يو تن كودتاچي بريد جنرال چې غوښتل يې د ځانګړو ځواكونو قومانداني ونيسي، د يو بل ټيټ رتبه افسر لخوا په تندي وويشتل شو او ځاى پر ځاى مړ شو. دا افسر هم د بريد جنرال د ساتونكو لخوا شهيد شو.
په لنډه توګه د فتح الله ګولن د ترهګرې ډلې د منسوبينو لخوا پيل شوې كودتا د ۲۲ ساعتونو په څېر لنډ وخت كې كنترول شوه.
هغه څه چې تر ابده پاتې شول، د خلكو ملي اراده وه.
هغه څوك چې پر هېوادوالو او د هغوى په ملي شورا باندې بريدونه كوي، هېڅكله هم `تركي سرتېرى` نشي كېدلى.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719189416)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719189416)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله