په ترکیه کې د ناکامې کودتا په اړه د هیواد د مشرانو غبرګون
د ترکیې ولسمشر، د ملي شورا ریس او لومړي وزیر وویل چې کودتاچیان به د خپلو اعمالو په سزا ورسول شي
د ترکیې ولسمشر رجب طیب اردوغان د کودتا د اقدام د ناکامیدو نه وروسته وویل چې د ترکیې د اتحاد، اتفاق، ملي یووالي او ورورولۍ دښمنانو د جولای په ۱۵ مه نیته د وسله وال اقدام سره د حکومت د نیولو هڅه وکړه.
پدې شپه د هیواد په څلورو ګوټونو کې هیوادوالو زمونږ بلنې ته د لبیک په ویلو او میدانونو ته د راوتو سره د فتح الله ګولن ترهګریز سازمان لخوا د ترسره شوي کودتا مخنیوی وکړ.
هغه وویل هیوادوال میدانونو ته د وتو قوي ارادې ښودلو سره وویل ،که چیرې هغوې توپونه او ټانکونه لري مونږ قوي ایمان لرو ، د هغوی په مقابل کې ودریدل. زمونږ دې ځوان ورور لخوا د ټانک د پټلۍ په مخ کې د ځان اچول کومه ساده پیښه نده، دا په اصل کې د قوي ایمان ښکارندويي کوي.
د ترکیې د ملي شورا ریس اسماعیل قهرمان بیا وویل چې ملت د کودتاچیانو په مقابل کې یو موټي او یو وجود شوی دی. هغه کسانو چې دا ظلم او غمونه يي په مونږ روا لیدلي دي لازمه او مستحقه جزا به وویني.
د ترکیې لومړي وزیر او د عدالت او پراختیا واکمن ګوند مشر بنعلي ییلدرم بیا د ترک ملت نه د دیموکراسۍ نه د دفاع په خاطر د مننې سره وویل چې د کوتاچیانو په سترګو د وینو پردې ښکته شوې او جنایتونه يي ترسره کول. خو یوه خبره يي هیره کړې وه چې داده چې هر هغه څوک چې د ملت کور ته په بده سترګه وګورۍ او د دښمني لاس وراږود کړي هغه لاس سوځي. د کودتا نه لا ۲۴ ساعتونه نه وو تیر شوي چې دا لاسونه ټول وسوځیدل . تر ننه پورې د کودتا اقدام کوونکي پرته د سزا پاتې شوي ندي او ددینه وروسته به هم پاتې نشي.
انشاالله چې ددینه وروسته به هیڅوک د ملي ارادې سره د لوبو کولو جسارت ونکړي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله