د ترکیې د پوځ دویم قومندان ستر جنرال آدم حدوتي ونیول شو
په ترکیه کې د کودتا د ناکامیدو نه وروسته د پوځ د دویم قومندان ستر جنرال آدم حدوتي په ګډون یو زیات شمیر جنرالان ونیول شول
په ترکیه کې د کودتا د ناکامیدو نه وروسته د کودتاچیانو پر خلاف د روانو عملیاتو په لړ کې د ترکیې د پوځ دویم مشر ستر جنرال ادم حدوتي ، د دویمې اردو ریس ارکان او مالاتیا ولایت د ګارنیزون قومندان تورنجنرال اوني انګون ونیول شول.
د ترلاسه شوو معلوماتو له مخې پرون د ماسخوتن په ساعتونو کې په ترکیه کې پیل شوې د کودتا د تشبص او ناکامیدو نه وروسته د پیل شوو څیړونو او روانو عملیاتو په لړ کې د ترکیې د اردو دویم مشر ستر جنرال ادم حدوتي او د دویمې اردو ریس ارکان او د مالاتیا ولایت د ګارنیزون قومندان تورن جنرال اوني انګون سربیره دوه نور تورنجنرالان په ګډون لس تنه عسکر ونیول شول.
همداشان د کودتاچي عسکرو نه ډګروال فاتح کلچ مړی د امنیتي ځواکونو لاس ته ورغی.
همداشان د هیواد د جیټ الوتکو د نهمې عمومي هډې قومندان تورن جنرال اسحاق دايي اوغلو هم نیول شوی دی .
ستر جنرال ادم حدوتي څوک دی؟
ستر جنرال ادم حدوتي په اصل کې په کوسووا کې زیږیدلی . نوموړی په ۱۹۵۲ کال کې د خپلې کورنۍ سره یو ځای ترکیې ته راکډه شوی دی.
هغه په ۱۹۷۳ کال کې د حربي پوهنتون نه فارغ شو. د حربي پوهنتون نه د فارغیدو نه وروسته يي د یونان په سرحد کې د دریم میکانیزه پیاده فرقې، د روسېې په پولو کې په ۷مې میکاییزه غنډ او د ایرزورم ولایت په نهمې قول اردو کې دندې ترسره کړې.
وروسته د اوږدو کلونو لپاره د ایټالیا په سویل کې د ناټو په چوکاټ کې د اروپايي هیوادونو د پلو ځواکونو په قرارګاه کې دنده ترسره کړه.
نوموړي په ۱۹۹۹ کال کې برید جنرالۍ ، په ۲۰۰۴ کال کې تورنجنرالۍ ، په ۲۰۰۹ کال کې ډګر جنرالۍ او په ۲۰۱۴ کال کې ستر جنرالۍ ته ترفیح ورکړه.
هغه په افغانستان د امریکا د برید نه وروسته په ۲۰۰۲ کال کې د ناټو د ځواکونو په چوکاټ کې کابل ته لاړ او په افغانستان کې د ترکیې د ځواکونو مشري په غاړه واخیسته.
وروسته چې کله هغې ډګر جنرالۍ ته ترفیح وکړه د دوو کلونو لپاره پّ شمالي قبرس ترکي جمهوریت کې په دنده وګمارل شو.
همداشان وروسته هغه د ترکیې د پوځ د دویم قومندان په توګه وټاکل شو. نوموړی د فتح الله ګولن ترهګریز سازمان د غړیتوب او کودتا د تشبص له امله ونیول شول.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله