ادروغان او ميسي د فوټبال سيالي كوي!
ټاكل شوې ده چې ولسمشر رجب طيب اردوغان د افريقايي كوچنيانو په ګټه د فوټبال په يوې خيريه سيالۍ كې د ليونل ميسي سره يو ځاى ولوبيږي.
ولسمشر اردوغان به په انتاليا كې د د ساموېل اېتو د خيريه ټولنې لپاره چې د افريقايي كوچنيانو د زده كړې لپاره كار كوي د نړۍ د فوټبال د نامتو ستورو سره په ګډه د فوټبال په سيالۍ كې ګډون وكړي.
ساموېل ايتو چې د كامرون د هېواد نامتو فوټبالر دى او اوسمهال د انتاليا سپور په لوبډله كې لوبيږي، په خپل نامه يوه خيريه ټولنه لري چې موخه يې د افريقايي كوچنيانو لپاره د زده كړې د زمينې برابرول دي.
ددې ټولنې د تاسيس د ۱۰مې كليزې په مناسبت د انتاليا د ښاروالۍ لخوا د فوټبال يوه سيالي جوړه شوې ده چې په كې به د نړۍ د نامتو ستورو ترڅنګ ولسمشر اردوغان او د بهرنيو چارو وزير مولود چاوش اوغلو هم ګډون وكړي.
د انتاليا ښاروال د خپل رسمي ټويټر حساب له لارې پدې اړه ليكلي دي چې `` د ميسي ترڅنګ به يو بل نړيوال ستورى ولسمشر رجب طيب اردوغان هم په انتاليا كې په دوستانه سيالۍ كې لوبه وكړي.``
دا سيالي به د جولاى د مياشتې په ۱۶مه نېټه ترسره شي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله