د ترکیې  وسله والو ځواکونو د پې کاکا ترهګرې ډلې اړوند  ۱۶ هدفونه  له منځه یوړل.

د ترکیې  وسله والو ځواکونو د پې کاکا ترهګرې ډلې اړوند  ۱۶ هدفونه  له منځه یوړل.

د ترکیې هوايي ځواکونه  د هیواد په دننه او بهر کې د پې کاکا ترهګرې ډلې په مرکزونو بریدونو ته دوام ورکوي.

د هیواد د وسله والو ځواکونو اړوند  جنګي الوتکو  تیره شپه  د عراق په شمال کې  د قندیل ، سینات او هفته  په سیمو کې  د پې کاکا ترهګرې ډلې  په پټنځایونو، قرارګاه ګانو او کمپونو  درانده بریدونه وکړل.

د نوموړو بریدونو په ترڅ کې  د پې کاکا اړوند  یو زیات شمیر پټنځایونه او د وسلو او مهماتو  ډیپوګان له منځه وړل شوي دي.

همداشان  هوايي ځواکونو  د هیواد دننه  د دیارباقر ولایت د لیجه ولسوالۍ په مربوطاتو کې هم  د پې کاکا په پټنځایونو بریدونه وکړل.

وسله والو ځواکونو  د ترلاسه کړو استخباراتو په رڼا کې  د لیجې ولسوالۍ په مربوطاتو کې  د پې کاکا ۱۱ پټنځایونه او د وسلو او مهماتو ډیپوګان  له منځه  وړي دي.

د ویلو ده چې  د هیواد په ختیځ او سویل ختیځو  ولایتونو کې  د پې کاکا ترهګرې ډلې د ریښو د وچولو په خاطر پيل شوي عملیات  دوام لري. د نوموړو عملیاتو په لړ کې  د دیارباقر ولایت د لیجې، خاني، سیلوان، کولپ او حزو په ګډون به ۲۵ کلو کې  په ګرځیدو بندیز  لګول شوی دی.

د دیارباقر ولایت د والي د دفتر لخوا په خپره شوې خبرپاڼه کې ویل شوي دي چې  لیجې، خاني او سیلوان ولسوالیو په مربوطاتو کې  په غرنیزو سیمو او ځنګلونو کې  د پې کاکا ترهګرې ډلې د فعالیت او په کلو کې د وسلو او مهماتو د ډیپوګانو د جوړولو او د خلکو د کورونو نه  د پټنځایونو په توګه د استفادې په اړه استخبارات ترلاسه کړي دي چې  سیمه  د یادې شوې ترهګرې ډلې  د شر نه د خلاصولو او د هغوې د ریښو د وچولو په خاطر  په ۲۵ کلو کې په ګرځیدو بندیز لګول شوی دی.