ولسمشر اردوغان په هیوادوالو خپل ماشومان د قرانکریم زده کړې او تعلیم ته تشویق کړئ غږ وکړ
ولسمشر رجب طیب اردوغان په ترکیه کې جوړه شوې د قرانکریم د قرائت نړۍوالې سیالۍ ګټوونکو ته جایزې ورکړې.
![ولسمشر اردوغان په هیوادوالو خپل ماشومان د قرانکریم زده کړې او تعلیم ته تشویق کړئ غږ وکړ](http://cdn.trt.net.tr/images/xlarge/rectangle/d6ed/475d/15e7/576503b3969c6.jpg?time=1719117060)
ولسمشر رجب طیب اردوغان په ترکیه کې جوړه شوې د قرانکریم د قرائت نړۍوالې سیالۍ ګټوونکو ته جایزې ورکړې.
د ترکیې ولسمشر رجب طیب اردوغان وویل چې په هیواد کې د ټولو خنډونو سره سره د قرانکریم د تعلیم او تدریس پروګرام جاري ساتل شوی دی .
ولسمشر اردوغان دا څرګندونې د استانبول د فاتح په جومات کې جوړه شوې د قرانکریم د قرائت د څلورمې نړۍوالې سیالۍ ګټوونکو ته د جایزو ورکولو په مراسمو کې وکړې.
ولسمشر اردوغان وویل چې په ترکیه کې په بعضو دورو کې د قرانکریم د تعلیم او تدریس پر وړاندې جدي خنډونو شتون درلود خو ددې ټولو سره سره د قرانکریم تعلیم او تدریس درول شوی ندی.
هغه زیاته کړه چې د ترکیې ملت د خپلو شخصي امکاناتو سره د قرانکریم د تعلیم او تدریس بهیر ته ادامه ورکړې ده . ولسمشر اردوغان وویل چې په د امام خطیب ښوونځیو او نورو دیني مدارسو پدې برخه کې ډیر مهم رول لوبولی دی .
ولسمشر اردوغان وویل « د الله تبارک و تعالی شکر دی چې نن ورځ د ترکیې په تعلیمي مفرداتو کې د قرانکریم مضمون ځای نیولی دی . د رسول کرم ص د ژوند په اړه مضمون شتون لري. »
ولسمشر اردوغان په هیوادوالو غږ وکړ چې خپل ماشومان د قرانکریم تعلیم او زده کړې ده تشویق کړي او ددې امکاناتو ته ډیره ښه ګته پورته کړي .
ولسمشر اردوغان په نوموړو مراسمو کې د جایزو ګټوونکو ته په خپلو لاسونو جایزه ورکړې.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719117061)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719117061)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله