ولسمشر اردوغان د استانبول د برید د ټپیانو نه لیدنه وکړه
د ترکیې ولسمشر رجب طیب اردوغان د استانبول د نن سهار برید په کلکو ټکو وغنده
![ولسمشر اردوغان د استانبول د برید د ټپیانو نه لیدنه وکړه](http://cdn.trt.net.tr/images/xlarge/rectangle/2ca0/1fad/81e8/574db8650dfa5.jpg?time=1718955872)
د ترکیې ولسمشر رجب طیب اردوغان د استانبول د نن سهار د برید د ټپیانو نه لیدنه وکړه.
ولسمشر اردوغان برید په کلکو ټکو وغنده .
د هیواد ولسمشر رجب طیب اردوغان د هاسیکي په څیړنیز روغتون کې د استانبول د نن سهار د برید د ټپیانو نه لیدنه وکړه.
د ولسمشر اردوغان نه په روغتون کې د استانبول والي واصف شاهین، د روغتون سرطبیب ډاکټر ساوش اوزترک، د استانبول لوی څارنوال هادي صالح اوغلو او د فاتح د ولسوالۍ ښاروال مصطفی دیمیر هر کلی وکړ.
ولسمشر اردوغان په روغتون کې د ټپیانو نه لیدنه وکړه او د هغوې د روغتیايي حالت په اړه يي د ډاکټرانو نه معلومات واخیستل.
د ولسمشرۍ د ماڼۍ د معلوماتو له مخې ولسمشر رجب طیب اردوغان نن سهار په پولیسو د بمي برید نه سمدلاسه وروسته د کورنیو چارو وزیر ایفکان اعلی نه د ټیلیفون په کرښه معلومات واخیستل. همداشان د استانبول والي واصف شاهین هم ولسمشر اردوغان ته د پیښې په اړه پوره معلومات ورکړل.
ولسمشر اردوغان په روغتون کې د ټپیانو نه د لیدنې نه وروسته د یادې شوې پیښې په اړه د خبریالانو پوښتنې ځواب کړې.
ولسمشر اردوغان وویل چې د هر څه د مخه دا ترهګری برید په کلکو ټکو غندم او د برید قربانیانو لپاره د الله د دربارڅخه د مغفرت او رحمت ، کورنیو لپاره يي د جمیل صبر او ټپیانو لپاره د عاجلې شفاء غوښتنه کوم.
ولسمشر اردوغان وویل چې پیښه د نږدې نه تعقیبوي او د اړوندو ارګانونو نه معلومات اخلي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718955872)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718955872)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله