اردوغان : ترهګر به په خپلو وینو کې ډوب کړو

 د ترکیې ولسمشر رجب طیب اردوغان  د استانبول د نن سهار د برید د ټپیانو نه  لیدنه وکړه.

ولسمشر اردوغان  برید په کلکو ټکو وغنده  .

د هیواد ولسمشر رجب طیب اردوغان د هاسیکي  په څیړنیز روغتون کې  د استانبول  د نن  سهار د برید د ټپیانو نه لیدنه وکړه.

د ولسمشر اردوغان نه په روغتون کې  د استانبول والي واصف شاهین، د روغتون سرطبیب ډاکټر ساوش اوزترک، د استانبول لوی څارنوال هادي صالح اوغلو  او د فاتح د ولسوالۍ ښاروال  مصطفی دیمیر  هر کلی وکړ.

ولسمشر اردوغان په روغتون کې د ټپیانو نه  لیدنه وکړه او د هغوې  د روغتیايي حالت په اړه يي د ډاکټرانو نه  معلومات واخیستل.

د ولسمشرۍ د ماڼۍ  د معلوماتو له مخې  ولسمشر رجب طیب اردوغان  نن سهار  په پولیسو  د بمي برید نه سمدلاسه وروسته د کورنیو چارو وزیر ایفکان اعلی نه  د ټیلیفون په کرښه معلومات واخیستل. همداشان  د استانبول والي واصف شاهین  هم  ولسمشر اردوغان ته د پیښې په اړه پوره معلومات ورکړل.

ولسمشر اردوغان  په روغتون کې د ټپیانو نه د لیدنې نه وروسته  د یادې شوې پیښې په اړه د خبریالانو پوښتنې ځواب کړې.

ولسمشر اردوغان  وویل چې د هر څه د مخه  دا ترهګری  برید په کلکو ټکو غندم  او د برید قربانیانو لپاره  د الله د دربارڅخه  د مغفرت او رحمت ، کورنیو لپاره يي د جمیل صبر او ټپیانو لپاره  د عاجلې شفاء  غوښتنه کوم.

ولسمشر اردوغان وویل چې  پیښه د نږدې نه تعقیبوي او د اړوندو ارګانونو نه  معلومات اخلي.

ولسمشر اردوغان وویل د ترهګرۍ پر وړاندې مبارزه به  په همدې شان  پرته د ځنډه  د کلکې ارادې سره  دوام وکړي. ولسمشر اردوغان  دا حقیقت  دی  چې  پدې مبارزه کې  د هر شهید  له امله زمونږ د زړونو نه ویني تویږيږي. پدې مبارزه کې د ځاني ضایعاتو  د مخنیوي په خاطر  هر ډول هلې ځلې دوام لري. هم  وسله وال ځواکونه  او هم  پولیس نن ورځ  پدې برخه کې جدي  مبارزه کوي. ولسمشر زیاته کړه چې ترکیه  د ترهګرو پر وړاندې چې  د وینو ، درد او غم  نه  تقویه کیږي  هیڅکله هم  غاړه کینږدي. ددې پیښې فاعلین به هر څه ژر  د خپلو اعمالو په سزا  ورسوي.

د هیواد د ملي شورا ریس اسماعیل قهرمان د استانبول د خونړي برید له امله د تسلیت پیغام خپور کړ. قهرمان په خپور کړي پیغام کې ددې خبرې په ټینګار لیکلی دي چې  د بشریت قاتلینو چې غواړي د ترک ملت ثبات  له منځه یوسي  نن  یو ځل بیا  د خایینانه  او بزدلانه  برید سره  په هیواد کې ددوې پر خلاف  نفرت  او کینه  څو برابره  لوړه کړه.

د هیواد لومړي وزیر بنعلی ییلدرم  د استانبول د برید نه وروسته د چانکایا په ماڼۍ کې  د کورنیو چارو وزیر ایفکان اعلی او روغتیا وزیر رجب اکداغ په ګډون  بیړنۍ  غونډه وکړه.

لومړي وزیر ییلدرم  د غونډې نه وروسته خبریالانو ته وویل چې  ترهګرو نن  یو ځل بیا  خپل لعني  او چټله څيره  په استانبول کې  راڅرګنده کړه.

هغه وویل چې  د ترهګرۍ پر وړاندې مبارزه به په همدې شان دوام وکړي او د ترهګرو پر وړاندې به هیڅډو خودګذري ونشي. ترهګرو  ددې برید سره  یو ځل بیا دا ښکاره کړه چې دوی د ټول بشریت  او هر ډول دیني او انساني ارزښتونو دښمنان  دي.

د هیواد د اروپايي چارو وزیر او سرمرکچي  عمر چیلیک هم د استانبول  برید په کلکو ټکو وغنده  او د هغه برخو پر خلاف يي چې  د پې کاکا ترهګرې ترهګریزو فعالیتونو ته  د کورنۍ جګړې رنګ ورکوي  سخت غبرګون څرګند کړ.

هغه وویل چې  په ترکیه کې  په موجود حالاتو کې  د ترهګرۍ پر وړانډې مبارزه دوام لري. د دا ډول  ترهګریزو بریدونو پر خلاف مبارزه دوام لري. هغه وویل چې دا مبارزه  لکه څرنګه چې د سیمې لپاره  مهمه  ده په همدې شان  د اروپا د ډیموکراسۍ لپاره هم  ځانګړې اهیمت لري.