ترکیې د ۱۹۱۵ کلونو د پیښو په اړه د جرمني د پارلمان پریکړه په کلکو ټکو وغندله
د جرمني د فدرال مجلس لخوا د ۱۹۱۵ کلونو د ارامنه ادعاګانو د مسودې د منلو په اړه سخت غبرګونونه دوام لري.
![ترکیې د ۱۹۱۵ کلونو د پیښو په اړه د جرمني د پارلمان پریکړه په کلکو ټکو وغندله](http://cdn.trt.net.tr/images/xlarge/rectangle/7b2f/7eca/a80a/57502bdf815b8.jpg?time=1719024037)
د ترکیې ولسمشر رجب طیب اردوغان چې د ختیځې افریقا د هیوادونو په سفر وتلی دی په کینیا کې د نوموړي هیواد د ولسمشر سره د لیدنې نه وروسته په خبري غونډه کې ګډون وکړ.
ولسمشر اردوغان په خبري غونډه کې د ۱۹۱۵ کلونو د ارامنه ادعاګانو اړوند د جرمني د فدرال د مجلس د پریکړې په اړه دوویل چې دا مسله به د دواړو هیوادونو په اړیکو جدي اغیزې وکړي .
په یاده شوې خبري غونډه کې د کینیا ولسمشر کینیاتا خبریالانو ته وویل چې د ترکیې د ولسمشر ښاغلي رجب طیب اردوغان سره يي د ترکیې او کینیا د سوداګرو او سوداګري اړیکو د قوي کولو په مسلې خبرې کړې. د ښاغلي ولسمشر سره مو د متقابلو اړیکو د لا قوي کولو په څرنګتیا خبرې وکړې.
کینیا د ترکیې نه د بڼسټیزو چارو او ابولګولو په برخه کې د مرستې او همکارۍ تمه لري. هغه په کینیا کې د میشتو کډوالو سره د ترکیې د مرستو له امله د ولسمشر اردوغان نه مننه وکړه.
د کینیا ولسمشر وویل چې د ترکیې سره د اړیکو د لا پراختیا په خاطر د دواړو هیوادونو ترمنځه ځیني تړونونه لاسلیک شول.
هغه د ولسمشر اردوغان نه د هغه د بلنې د منلو او کینیا ته د راتګ له امله مننه وکړه .
ولسمشر اردوغان په کینیا کې د خپل سفر په اړه وویل چې یو ډیر ګټور سفر دی . پرون په یوګاندا کې او نن په کینیا کې لیدنې کتنې ډیرې ګټورې تیرې شوې .
ولسمشر اردوغان د ۱۹۱۵ کلونو د ارامنه ادعاګانو په اړه د جرمني د فدرال مجلس د پریکړې په اړه د پوښتنې په ځواب کې وویل چې ، څو شیبې وړاندې د لومړي وزیر سره مې پدې اړه خبرې وکړې. د جرمني د نوموړې پریکړې په غبرګون کې په لومړني پړاو کې به د ترکیې سفیر هیواد ته راوبلل شي. ولسمشر اردوغان وویل چې دا ښکاره خبره ده چې د جرمني د پارلمان دا پریکړه به د دواړو هیوادونو په اړیکو جدي منفي اغیزې وکړي.
هیواد ته د ستنیدو نه وروسته به پدې اړه پوره غور وکړو. د جرمني ددې ګام پر وړاندې د پورته کیدونکو ګامونو په اړه به خبرې وکړو. ولسمشر اردوغان وویل چې په جرمني کې د ترکیې سفیر هیواد ته د راستنیدو او د مسودې په متن د غور کولو نه وروسته به نهايي پریکړه وکړي.
همداشان د ترکیې لومړي وزیر بنعلي ییلدرم د ۱۹۱۵ کلونو د ارامنه ادعاګانو په اړه د جرمني د پارلمان د پریکړې په اړه وویل چې ، ترکیه به هم لازم ګامونه پورته کړي. په لومړي قدم کې په جرمني کې د ترکیې سفیر هیواد ته راغوښتل شوی دی . د جرمني د پارلمان د پریکړې د متن د لیدو نه وروسته به د لازمو ګامونو د پورته کیدو په برخه کې یوه شیبه هم تردد ونشي.
هغه وویل چې ترکیه په خپل تیر تاریخ ویاړي او دا ملت په خپل تیر تاریخ افتخار کوونکی ملت دی. د ترکیې په تیر تاریخ کې داسې کومه پیښه نده رامنځته شوې چې مونږ پرې وشرمیږو. ترکیه تل په خپل تاریخ افتخار کوي.
لومړي وزیر وویل چې په جرمني کې د ترکیې سفیر هیواد ته رابلل شوی دی . هغه وویل چې د ترکیې ملت تر ننه پورې هیچا ته هم سر ندې ښکته کړې او ددېنه وروسته به يی هم ښکته نکړي. ترکانو د الله نه پرته بل چا ته سر ندې ښکته کړې. ملت چې څه وغواړي هغه به وکړو.
همداشان په ترکیه کې د جمهوریت خلق مخالف ګوند هم د جرمني د پارلمان پریکړه وغندله . د جمهوریت خلق ګوند مرستیال اوزترک یلمز وویل چې د ۱۹۱۵ کلونو د ارامنه ادعاګانو په اړه د جرمني د پارلمان پریکړه په کلکو ټکو غندو او دا پریکړه زمونږ له نظره د اعتبار وړ نده.
د ترکیې د ملیت پالو غورځنګ ګوند هم د جرمني د پارلمان پریکړه په کلکو ټکو وغندله.
د ملیت پالو غورځنګ د ګوند لخوا په شوو څرګندونو کې راغلي دي چې د جرمني فدرال مجلس په هغه هیواد کې د میشتو څه باندې ۳ میلیونو ترکانو نظریه د خپو لاندې کړې او ددوی دا پریکړه په هیڅډول د منلو وړ نده. دا پریکړه په کلکو ټکو غندو.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719024037)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719024037)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله