د ترکیې ولسمشر اردوغان په اروپا سخته نیوکه وکړه
د ترکیې ولسمشر رجب طیب اردوغان د کډوالو ادعادې د تړون اړوند اروپايي هیوادونو ته میدان وډبو.
ولسمشر اردوغان د نړۍوالې انساني سرمشریزې د پایته رسیدو نه وروسته د ملګروملتونو سرمنشي بانکي مون سره په ګډه خبري ناسته کې ګډون وکړ.
ولسمشر اردوغان په اروپايي ټولنې د کډوالو په برخه کې د ترکیې سره په کړو ژمنو د عمل د نه کولو له امله سختې نیوکې وکړې.
ولسمشر اردوغان وویل چې ترکیه د چا د لطف په تمه نده. مونږ ددینه مخکې هم په کراتو ویلي دي چې زمونږ لپاره مهمه خبره درست والی او صمیمت دی. د چا نه د لطف تمه نه لرو.
ولسمشر اردوغان د اروپا لخوا ترکيې وګړو ته د ویزې د معافیت د مسلې په بدل کې د ترکیې نه د ترهګرۍ پر وړاندې د مبارزې په قانون کې د بدلون راوستو د غوښتنې په اړه سخت غبرګون څرګند کړ او وویل چې ً تاسې اوس هم په ترکیې شرطونه ږدۍ. د ترکیې صبر هم اندازه لري. داسې وخت به راشي چې زمونږ د صبر کاسه به توی شي. ترکیه هم مجبور کیږي چې د کډوالو د ادعا د تړون په اړه خپله وروستۍ پریکړه وکړي. د ترکیې لخوا پدې اړه د وروستۍ پریکړې نه وروسته بیا نور تاسې پوهیږۍ او شرطونه مو.
ولسمشر اردوغان وویل چې په ترکیې باندې د ځینو شرطونو د تحمیلولو هڅې روانې دي چې ترکیه پدې اړه د اروپايي چارواکیو سره په تماس کې ده.
ولسمشر اردوغان زیاته کړه ً که چیرې ددې مذاکراتو نه کومه پایله ترلاسه نشي د ترکیې ملي شورا به هیڅوخت دا تړون تصویب نکړي.
ولسمشر اردوغان ددې خبرې په ټینګار وویل چې اروپا باید وخت نا وخته په ترکیې د شرطونو د تحمیلولو هڅه ونکړي ځکه چې دا زمونږ هیواد ترکیه دی.
ولسمشر اردوغان د اروپا لخوا د ویزې د معافیت په برخه کې د یو بام او دوه هوا په سیاستونو د نیوکې سره وویل چې ً د لاتینې امریکا وګړي پرته د ویزې اروپا ته سفر کوي. پرته د ویزې ټولو اروپايي هیوادونو ته په ډیره اسانه او پرته د کومې ستونزې سفر کوي. ترکیه چې د ټولنې د غړیتوب لپاره نوماند هیواد دی د وګړو نه ویزه غوښتل کیږي. ایا دا عدالت دی.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله