د ترکیې ولسمشر د نړۍوالې انساني سرمشریزې په چوکاټ کې د نړۍ د یو زیات شمیر مشرانو سره ولیدل

د ترکیې ولسمشر رجب طیب اردوغان  په استانبول کې جوړه شوې  د نړۍوالې انساني سرمشریزې په چوکاټ کې  د نړۍ  د یو زیات شمیر هیوادونو د مشرانو سره  دوه په دوه لیدنې وکړې.

ولسمشر اردوغان  د ملګروملتونو د سرمنشي بانکي مون او وروسته د جرمني  د لومړۍ وزیرې انګیلا مرکل سره  لیدنه وکړه. د ملګروملتونو سرمنشي بانکي مون  په لیدنه کې  د ولسمشر اردوغان او ترکیې نه په مننې سره وویل چې  د ملګروملتونو په تاریخ کې د نیویارک نه وروسته  د ملګروملتونو تر ټولو  ستره سرمشریزه په استانبول کې  جوړه شوه.

همداشان په لیدنه کې ولسمشر اردوغان  په سوریه کې د باامنه سیمې  د جوړولو په ارزښت یو ځل بیا ټینګار وکړ. بانکي مون وویل د جینیوا کې د سوریې د سولې په اړه د روانو مذاکراتو نه  د پایلو د ترلاسه کولو په خاطر لومړی باید  اروبند  ټینګ شي. ولسمشر اردوغان  په لیدنه کې  سوریې د مسلې سربیره  د ترهګرۍ پر وړاندې په مبارزې، د کډوالو په ستونزې او یو زیات شمیر نورو مسلو خبرې وکړې.

ولسمشر اردوغان  په خپلو ټولو  لیدونو کې ددې خبرې په ټینګار وویل چې ترکیه به د ترهګرۍ پر وړاندې په مبارزه کې  د زرې په اندازه  په شا ګام پورته نکړي او ترهګرو ته به خودګذري ونکړي.

ولسمشر اردوغان  د جرمني د لومړۍ وزیرې انګیلا مرکل سره په لیدنه کې  د سوریې، کډوالو ، ترهګرۍ پر وړاندې د مبارزې او ترکیې او اروپايي ټولنې په اړیکو خبرې وکړې.

ولسمشر اردوغان  پدې لیدنه کې  د ویزې د معافیت په اړه  د اروپا لخوا په ترکیې د ترهګرۍ پر وړاندې د مبارزې په قانون کې د بدلون راوستو د مسلې نه یادونه وکړه او وویل چې  ً د ترهګرۍ پر وړاندې د مبارزې مسله د ترکیې لپاره ځانګړې اهمیت لري او ډیر حساسه مسله ده ، پدې برخه کې باید  اروپايي ټولنه  د ترکیې حساسیت په نظر کې ونیسي.

د بله پلوه  د جرمني لومړۍ وزیرې ددې خبرې په ټینګار وویل چې د ترکیې او اروپايي ټولنې ترمنځه  همکارۍ  او کډوالو د ادعادې په برخه کې تړون خپلې مثبتې اغیزې  ښودلي دي. اروپا ته نامنظمه کډوالۍ  بهیر  د پام وړ  راټیټ شوی دی . دې تړون  په پایلو ورکولو پیل کړی دی . هغه وویل چې  ترکیه او ټولنه باید همکارۍ ته دوام  ورکړي.

همداشان ولسمشر اردوغان ددې سرمشریزې په چوکاټ کې د نړۍ د یو زیات شمیر نورو هیوادونو د مشرانو سره هم لیدنې وکړې.