اردوغان : په ترکیې بریدونه هیڅکله هم بې ځوابه پاتې شوي ندي
اردوغان : ترکیې هر هغه چا چې دې خاورې ته يي په بده سترګه کتلي سترګې ویستل شوي دي
![اردوغان : په ترکیې بریدونه هیڅکله هم بې ځوابه پاتې شوي ندي](http://cdn.trt.net.tr/images/xlarge/rectangle/73ae/3ca3/75bc/5729ec6b2d71c.jpg?time=1719215154)
د ترکیې ولسمشر رجب طیب اردوغان وویل چې د ترکیې په خاور او خلکو بریدونه هیڅوخت بې ځوابه پاتي شوي ندي او پاتي به هم نشي. د ترکیې په خاور او خلکو د ترسره شوي هر ډول برید ځواب سمدلاسه ورکړ شوی او ددینه وروسته به هم ورکړل شي.
ولسمشر اردوغان دا څرګندونې د ولسمشرۍ په ماڼۍ کې د ګذر وکیلانو سره په لیدنه کې وکړې . ولسمشر اردوغان د داعش ترهګرې ډلې لخوا د سوریې نه د ترکیې په خاوره د راکټي بریدونو په اړه سخت غبرګون څرګند کړ . ولسمشر اردوغان وویل په اصل کې دا بریدونه ددې ښکارندويي کوي چې د داعش ترهګرې ډلې بر خلاف زمونږ روان عملیات ډیر بریالي دي.
ولسمشر اردوغان وویل چې د داعش ترهګره ډله پدې وروستیو کې په کیلیس ولایت ترهګري بریدونه کوي. د ترکیې امنیتي ځواکونو د نوموړو بریدونو په ځواب کې په سوریه کې د داعش په پټنځایونو او قرارګاه ګانو درانده بریدونه کړي او درانده ځاني زیانونه یي وراړولي دي. که چیرې داعش د ترکیې پر خلاف بریدونو ته دوام ورکړي زمونږ ځواب به لا سخت وي.
ولسمشر اردوغان وویل چې د ترهګرو په نیتونو مونږ ډیر ښه پوهیږو خو هیڅکله به خپلو شومو موخو ته ونه رسیږي.
ولسمشر اردوغان د خپلې وینا په ترڅ کې د ترکیې په ملي شورا کې د ځینو وکیلانو د مصئونیت د حقونو د منځه وړو په اړه د قانون د طرحې نه یادونه وکړه. هغه وویل چې د ملي شورا ځینو وکیلانو د مصئونیت د حقونو د لمنځه وړو په مسلې د خبرو کولو په خاطر د ځانګړې کمیټې د ناستې نه وروسته د وتو پر مهال د ترهګري سازمان مارشونو په ویلو سره لاړل او ځینو خبري رسنیو چې د پردو لپاره خدمت کوي ددې وکیلانو نه د چا خبره د اتلانو په توګه یادونه کړې ده . ولسمشر اردوغان په نوموړو وکیلانو سخته نیوکه وکړه او وویل چې هیڅوک ددې حق نلري چې د ترکیې په ملي شورا کې د ترهګریو سازمانونو مارشونه ووايي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719215155)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719215155)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله