اردوغان : ترکیه د بې ګناه انسانانو په وژنو سترګې پټولی نشي
اردوغان : ترکیه به د کډوالو پر مخ خپلې دروازې د تل لپاره پرانیستي وساتي
![اردوغان : ترکیه د بې ګناه انسانانو په وژنو سترګې پټولی نشي](http://cdn.trt.net.tr/images/xlarge/rectangle/c2e0/749f/e318/57203aaa096f0.jpg?time=1718828541)
د ترکیې ولسمشر رجب طیب اردوغان یو ځل بیا ددې خبرې په ټینګار وویل چې ترکیه د بې ګناه انسانانو په وژنو سترګې پټولی نشي چې د همدې امله د کډوالو پرمخ يي دروازې پرانیستي دي او پرانیستي به پاتې شي.
ولسمشر اردوغان دا څرګندونې په کروواسیا کې د نوموړي هیواد د ولسمشرې سره د لیدنې نه وروسته په ګډه خبري غونډه کې وکړې. ولسمشر اردوغان چې د رسمي سفر په ترڅ کې نوموړي هیواد ته سفر کړی دی د ولسمشرۍ په ماڼۍ کې د کروواسیا د ولسمشرۍ کولیندا ګرابار کیتاروویچ سره لیدنه وکړه.
دواړو مشرانو د دوه په دوه او هیتانو ترمنځه د لیدنې نه وروسته په ګډه خبري غونډه کې ګډون وکړ.
ولسمشر اردوغان پدې خبري ناسته کې د سوري ګډوالو په اړه د یوې پوښتنې په ځواب کې وویل چې ً ترکیې د کډوالو پر مخ خپلې دروازې تړلي ندي او ددینه وروسته به يي هم ونه تړي. ولسمشر اردوغان وویل چې همداشان په لویدیځې نړۍ باندې پدې اړه د مثبت دریځ د غوره کولو په برخه کې غږ کول خپل وجداني او انساني مسولیت او دنده بولم.
ولسمشر اردوغان زیاته کړه ً غواړم چې ووایم د اروپايي تولنې غړي هیوادونه باید د کډوالو په مسله کې په ځانګړې توګه ترکیې سره په مختلفو برخو کې همکاري او مرستي وکړي. روان مذاکرات باید په همغږۍ بدل شي.
ولسمشر اردوغان د بوسنیا هرزیګوینا د مسلې په اړه د یوې پوښتنې په ځواب کې وویل چې د بوسنیا راتلونکي په اړه ترکیې او کروواسیا ګډ مسولیت لري او پدې برخه کې د مسولیت احساس هم کوي.
د ویلو ده چې کروواسیا ته د ولسمشر اردوغان د سفر په چوکاټ کې د دواړو هیوادونو ترمنځه د جزايي جرایمو تړون او د ترکېې او کروواسیا د دولتي تلویزیونو ترمنځه د همکارۍ پروتوکول لاسلیک شول.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718828541)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718828541)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله