اردوغان د سعودي پاچا ته عالي دولتي نښان ورکړ
د ترکیې ولسمشر رجب طیب اردوغان د سعودي عربستان پاچا ملک سلمان بن عبدالعزیز ته چې د رسمي سفر په ترڅ کې ترکیې ته راغلی دی عالي دولتی نښان ورکړ.
![اردوغان د سعودي پاچا ته عالي دولتي نښان ورکړ](http://cdn.trt.net.tr/images/xlarge/rectangle/d16c/1efc/3774/570ceafc03e59.jpg?time=1719121496)
ولسمشر اردوغان نن د ولسمشرۍ په ماڼۍ کې د سعودي عربستان د پاچا نه د رسمي مراسمو په ترڅ کې هر کلی وکړ. د هر کلي د مراسمو نه وروسته د سعودي عربستان پاچا ته د عالي دولتي نښان د ورکولو په خاطر ځانګړي مراسم جوړ شول.
ولسمشر اردوغان د سعودي پاچا ته د عالي دولتي نښان د ورکولو په مراسمو کې وویل چې عالي دولتي نښان یواځې د بهرنیو هیوادونو ولسمشرانو ته ورکول کیږي او د ترکیې تر ټولو لوړ نښان دی.
ولسمشر اردوغان زیاته کړه چې دا نښان د ترکیې او سعودي عربستان ترمنځه د اړیکو او دوستۍ د ریښو د قوي کولو په خاطر د ترسره شوو هلو ځلو نه د قدردانۍ تر ټولو ښه سمبول دی.
ً زما د قدر وړ دوست او عزیز ورور ملک سلمان په سعودي عربستان کې د پاچا په توګه د ټاکل کیدو نه وروسته د ترکیې او سعودي عربستان ترمنځه د اړیکو د لا پرمختګ او قوي کولو په لاره کې ډیرې زیاتې هلې ځلې کړي دي. د دواړو هیوادونو او ټولنو ترمنځه د قوي او تاریخي دوستۍ او اړیکو د لا قوي کولو په لاره کې نه ستړې کیدونکي هلې ځلې کړي او عظیمه اراده يي ښودلې ده .
زمونږ په جغرافیه چې د لویو لویو ستونزو سره لاس او ګریوان ده ستاسې قوي ادار د سیمې د سولې، ثبات او استقرار لپاره تامینات ده . پرته د شکه چې ننۍ دا قوي اړیکې د راتلونکي لپاره هم یو قوي پیغام او زیری دی. ولسمشر اردوغان وویل چې د همدې امله قدیم دوست ته د ترکیې د عالي دولتي نښان د ورکولو له امله افتخار کوم. ً
د سعودي عربستان پاچا ملک سلمان هم د نښان د ترلاسه کولو په مراسمو کې د خپلې وینا په ترڅ کې د ترکیې نه د زړه له کومې مننه وکړه.
هغه وویل پرته د شکه چې د ترکیې او سعودي عربستان د حکومتونو او ملتونو ترمنځه قوي اړیکې د هر څه بیانګر دي.
د سعودي پاچا ملک سلمان نه د هر کلي د مراسمو په ترڅ کې ۲۱ د توپ ډزې وشوې.
د سعودي پاچا د ولسمشرۍ د تشریفاتو قطعه معاینه کړه.
د یادولو وړ ده چې د سعودي عربستان پاچا ملک سلمان د ولسمشر رجب طیب اردوغان د بلنې په اساس پرون انقرې ته راغی. ولسمشر اردوغان د سعودي عربستان د پاچا نه په هوايي ډګر کې پخپله هر کلی وکړ.
د سعودي عربستان پاچا ترکیې ته د خپل سفر په چوکاټ کې په انقره کې د رسمي لیدونو کتنو نه وروسته د اپریل په ۱۴ نیټه په استانبول کې د دوو ورځو لپاره جوړیدونکي د اسلامي همکاریو د تشکیلاتو په سرمشریزه کې د ګډون په موخه استانبول ته ځي.
د ویلو ده چې د اسلامي همکاریو د تشکیلاتو په ۱۳ مه سرمشریزه د فلسطین مسلې سره بیره د اسلام فوبیا ، سیمه ایزو او نړۍوالو ستونزو په مسلو خبرې وشي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719121496)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719121496)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله