ایران: د ترهګرۍ پر وړاندې په مبارزه کې د ترکیې نه ملاتړ کوو
ایران: د ترهګرۍ پر وړاندې په مبارزه کې د ترکیې سره همفکره یو
![ایران: د ترهګرۍ پر وړاندې په مبارزه کې د ترکیې نه ملاتړ کوو](http://cdn.trt.net.tr/images/xlarge/rectangle/5b7d/4c70/f38c/570893249d6be.jpg?time=1719099778)
ایران د ترهګرۍ پر وړاندې په مبارزه کې د ترکیې د پوره ملاتړ اعلان وکړ.
د ایران مخابراتو او معلوماتي تکنالوژۍ وزیر محمود واعظي د ترکیې د ملي تلویزیون ټي آر ټي سره په مرکه کې په ترکیه کې د پې کاکا ترهګرې ډلې لخوا ترسره شوي بریدونه او روان فعالیتونه په کلکو ټکو وغندل د ترکیې نه د پوره ملاتړ اعلان وکړ. هغه وویل چې د ترهګرۍ پر وړاندې په مبارزه کې د ترکیې سره همفکره یو.
واعظي وویل چې د پې کاکا ترهګري سازمان په ترکیه کې د بمي بریدونو سره په سلګونو تنه بې ګناه او معصوم انسانان وژلي. دې مسلې ایران هم ډیر خواشینی کړی دی. ایران د پې کاکا ترهګري سازمان لخوا ترسره شوي دا ټول ترهګري بریدونه په کلکو ټکو غندي.
هغه وویل چې ایران هم د نورو هیوادونو په څیر د ترهګرۍ پر وړاندې په مبارزه کې د ترکیې هم همفکره یو.
ایراني وزیر په مرکه کې د اذربایجان او ارمنستان په پولو کې د رامنځته شوو وروستیو پیښو نه هم یادونه وکړه. هغه وویل چې په سیمه کې روانې ستونزې باید د سولې او خبرو اترو له لارې حل شي.
واعظي په ایران د لګیدولو نړۍوالو بندیزونو د لرې کولو په اړه وویل چې دا مسله به د ایران د اقتصاد سره ډیره زیاته مرسته وکړي. په ځانګړې توګه د ایران د تیلو او ګازو صادرات به د پخوا په څیر نورمال حالت ته راوګرځي. هغه وویل چې تمه کوي د هیواد صادارت يي ۸۰ تر ۸۵ سلنې پورې لوړ شي.
هغه وویل چې حاضر دي په خپلو بازارونو کې ترکانو ته فعاله ونډه ورکړي. ترکیې ته د صادارتو کچه لوړه کړي.
نوموړي د ترکیې او ایران ترمنځه د ګازو په اړه رامنځته شوې ستونزې په اړه وویل چې پدې اړه د تحکیم نړۍوالې محکمې پریکړه وکړه او پریکړه د ایران لخوا منل شوې ده .
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719099778)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719099778)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله