اردوغان په امريكا كې د دوو منارو لومړى جامع مسجد پرانيست.
ولسمشر رجب طيب اردوغان د امريكا د متحدو ايالتونو د ماريلنډ په ايالت كې لومړى جامع مسجد او اسلامي مركز د شانداره مراسمو په ترڅ كې ګټې اخيستلو ته پرانيست.
![اردوغان په امريكا كې د دوو منارو لومړى جامع مسجد پرانيست.](http://cdn.trt.net.tr/images/xlarge/rectangle/8d8f/1e20/09ef/5700a17ee8477.jpg?time=1719115154)
ولسمشر رجب طيب اردوغان د امريكا د متحدو ايالتونو د ماريلنډ په ايالت كې لومړى جامع مسجد او اسلامي مركز د شانداره مراسمو په ترڅ كې ګټې اخيستلو ته پرانيست.
دا مسجد او اسلامي- كلتوري مركز چې سارى په امريكا كې نشته دى، د تركيې په مالي او تخنيكي مرسته د عثماني امپراتورۍ د معمارۍ سره سم جوړ شوى دى.
اردوغان د مسجد د افتتاح په مراسمو كې ټولو مسلمانانو ته مباركي وويله.
اردوغان په دې اړه په خپله وينا كې وويل چې `` له بده مرغه په امريكا او ټوله نړۍ كې د مسلمانانو پر وړاندې كركه راپارېدلې ده. دا مسجد او اسلامي مركز به ددې كركې پر وړاندې د مبارزې په موخه ښه رول ولوبوي.
اردوغان زياته كړه چې `` ترهګري دين، رنګ، مذهب او توكم نه لري. د بشريت پر وړاندې د ترسره كړو جناياتو لپاره ترهګر تل منفور شخصيت دى. د سپتمبر په ۱۱مې نېټې يوې ډلې ترهګرو د بريد سره ټولې امريكا دا وحشت په سترګو وليدلو. د نړۍ د ټولو مسلمانانو نه ددې ترخو خاطراتو د بدل اخيستل په هېڅ ډول د منلو وړ نه دي.
اردوغان همداراز د لوديځ لخوا د ترهګرۍ پر وړاندې په دوه مخي سياست باندې د نيوكې د بروكسل د ترهګري بريدونو په اړه وويل چې ``ددې بريد يو ترهګر موږ ونيولو د بلجيم مقاماتو ته مو خبر وركړ چې دا ترهګر دى. هغوى نوموړى خوشې كړ چې بيا وروسته دا وحشتناكه پېښه رامنځته شوه. موږ د ترهګرۍ سره په مبارزه كې صميمي يو. موږ د هر ډول معلوماتو شريكولو ته تيار يو.
اردوغان په خبرو كې د امريكا د ولسشمرۍ په مقدماتي ټاكنو كې د اسلام پر وړاندې د جمهوري غوښتونكو د ګوند د نوماند ډانلد ټرامپ د نوم د اخيستلو پرته هم نيوكه وكړه. اردوغان وويل چې په امريكا كې مېشت مسلمانې ټولنې باندې د اسلام او امريكا ترمېنځ د يو د ټاكلو په موخه فشار په هېڅ ډول د منلو وړ نه دى. ددې پر وړاندې بايد مبارزه وشي.
ولسمشر اردوغان وروسته د تركيې – امريكا د كلتوري مركز او جامع مسجد د پرانيستلو په مراسمو كې ګډون وكړ.
دا اسلامي مركز په ۸ جريبه ځمكه كې جوړ شوى دى چې په يو وخت كې په كې زرګونه كسان لمونځ ادا كولاى شي. سربېره پر دې د مركز په لاندنۍ برخه كې د اسلامي آثارو يو موزيم، د كنفرانس سالون او نور اسانتياوې په نظر كې نيول شوي دي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719115154)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719115154)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله