په ترکیه کې د پارلمان د وکیلانو نه د مصئونیت حق اخیستل کیږي
د ترکیې لومړي وزیر احمد داوود اوغلو په پارلمان کې نورو سیاسي ګوندونو ته په ګډه د پارلمان د ټولو وکیلانو د مصئونیت د حق د لرې کولو وړاندیز وکړ
د ترکیې لومړي وزیر احمد داوود اوغلو د هیواد په ملي شورا کې د ټولو وکیلانو د مصئونیت د حق لرې کولو وړاندیز وکړ.
لومړي وزیر داوود اوغلو په ملي شورا کې په نورو سیاسي ګوندونو غږ وکړ چې ً راځئ ټول په ګډه د مصئونیت حق لرې کړو. هغه وویل چې دم ګړۍ په ملي شورا کې د مختلفو وکیلانو د مصئونیت د حقونو د لرې کولو په خاطر ۵۰۶ د څارنوالۍ لخوا رالیږل شوي د وړاندیزونو دوسيې شتون لري. راځئ چې ټول په ګډه د مصئونیت حق له منځه یوسو.
لومړي وزیر داوود اوغلو وویل چې د عدالت او پراختیا ګوند پدې اړه کوم اعتراض او ډار هم نلري.
د بله پلوه د هیواد په ملي شورا کې د جمهوریت خلق او ملیت پالو غورځنګ مخالفو ګوندونو د لومړي وزیر ددې وړاندیز نه ملاتړ اعلان کړ. هغوې وویل چې حاضر دي چې د مصئونیت حق له منځه یوسي.
د ترکیې په ملي شورا کې د جمهوریت خلق ګوند جګپوړي چارواکي لیونت ګوک خبري رسنیو ته وویل چې د لومړي وزیر دا وړاندیز ددوی د ګوند د اساساتو سره سمون خوري چې د همدې امله ترینه ملاتړ کوي.
همداشان د ملیت پالو غورڅنګ د ګوند استازي اوکتای اورال هم ویل چې په ملي شورا کې د څوکۍ د مصئونیت د حق نه پرته د نورو ټولو حقونو لمنځه وړو ته تیار دي. هغه وویل چې د ملیت پالو غورڅنګ ګوند ددې وړاندیز نه ملاتړ کوي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله