د ترکیې او روسیې ترمنځه د لومړي ځل لپاره په لوړه کچه لیدنه وشوه
د ترکیې او روسیې د بهرنیو چارو وزیرانو لیدنه وکړه
د ترکیې د بهرنیو چارو وزیر مولود چاوش اوغلو د اروپا د امنیت او همکارئ د تشکیلاتو د بهرنیو چارو د وزیرانو د ۲۲ مې غونډې په چوکاټ کې چې په بلګراد کې جوړه شوې وه د روسیې د بهرنیو چارو وزیر سرګي لاوروف سره ولیدل.
د ویلو ده چې غونډه د مطبوعاتو نه د بندو دروازو ترشا او د پلان په مطابق د ترکیې په ځايي وخت د ماښام په ۴ بجو او ۳۰ دقیقو پیل شوه . لیدنې ۴۰ دقیقې دوام وکړ. د ترکیې لخوا په هوايي حریم د تیري له امله د روسیې د جنګي الوتکې د ویشتو نه وروسته د لومړي ځل لپاره د ترکیې او روسیې ترمنځه په لوړه کچه مخامخ لیدنه وشوه.
د هیواد د بهرنیو چارو وزیر مولود چاوش اوغلو د لیدنې نه وروسته خبریالانو ته وویل چې لیدنه په مثبتې فضا کې او د دوو هیوادونو د بهرنیو چارو د وزیرانو د شان سره سمه تیره شوه. هغه وویل چې په لیدنه کې د الوتکې د ویشتو له امله لاوروف ته د ترکیې خواشیني څرګنده کړه .
همداشان د روسیې د بهرنیو چارو وزیر بیا وویل چې په لیدنه کې د ترکیې نه نوې کومه خبره وانه وریده .
د یادولو وړ ده چې ترکیې د نوامبر په ۲۴ مه نیټه د روسیې د جنګي الوتکې د ویشتو نه وروسته د روسیې ولسمشر ولادیمیر پوتین او روسي مطبوعاتو د ترکیې پر خلاف په ډول ډول بې بڼسټه تورونو لګولو پیل وکړ. د روسیې ولسمشر ولادیمیر پوتین ترکیه د داعش سره د تیلو په تجارت تورنه کړه چې دا ادعا يي د نړئ لخوا په کلکه توګه رد شوه.
د هیواد ولسمشر رجب طیب اردوغان د روسیې د ولسمشر پوتین د ادعاګانو په ځواب کې وویل ، که چیرې روسیه د ترکیې او داعش ترمنځه د تیلو د تجارت ادعا په اثبات ورسوي خپله دنده به پریږدي خو په پوتین هم غږ کوي په اثبات د نه رسولو په صورت کې ایا هغه د خپلې دندې نه استعفا کوي؟
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
