ترکیه د ۲۶ هیوادونو ډیپلوماټانو ته د ترکي ژبې د زده کړې پروګرام

د هیواد نه بهر د ترکانو او اقوامو ریاست چې تیر کال پدې پروژې پیل کړی وو سږ کال يي پکې د یو شمیر هیوادونو مامورین ، اکاډمیسینان او ډیپلوماتان هم شامل کړي دي.
د ترلاسه شوو معلوماتو له مخې ددې پروګرام په چوکاټ کې به د یمن ، قیرغیزستان، جیبوتي، مغلستان، لیتوانیا، مکسیکو، ویتنام او هنګري په ګډون د ۲۶ هیوادونو نه یو یو تن د ژبې د زده کړې سربیره د ترک کولتور اړوند په سیمینارونو کې ګډون وکړي او یو زیات شمیر ادارو نه به د لیدنې چانس هم ترلاسه کړي.
ویل کیږي د هیواد نه بهر د میشتو ترکانو او اقوامو ریاست دا پروګرام د استانبول پوهنتون د ژبې او ادبیانو د مرکز په مرسته جوړ کړی دی. همداشان د پروګرام موخه د ترکیې د ژبې ، ادبیاتو، کولتور او ژوند شرایط معرفي کول او د یاد شوو هیوادونو سره پدې اړه د تجربو شریکول دي.