د تركيې لخوا د ويشتل شوې الوتكې په اړه وروستي معلومات
د تركيې وسله والو ځواكونو نن سهار د خپل سوېلي سرحد په مربوطاتو كې يوه جنګي جټ الوتكه چې ويل كيږي د روسيې د هېواد پورې اړه لري، وويشتله.
د تركيې د وسله والو ځواكونو د لوى درستيز د مقام د معلوماتو په اساس ويشتل شوې الوتكې د تركيې هوايي حريم ته ننوتې وه، چې په ۵ دقيقو كې ۱۰ ځله ورته د تركي مقاماتو لخوا خبردارى وركړل شو. د پر له پسې خبرداري سره سره د تركيې د هوايي حريم نه د نه وتلو نه وروسته پرې بريد وشو او نسكوره شوه.
د تركي مقاماتو د معلوماتو په اساس الوتكه د ښكاري اېف – ۱۶ ډوله جنګي جټ الوتكې په واسطه ويشتل شوې ده.
د بله پلوه د روسيې د دفاع د وزارت چارواكي بيا وايي چې الوتكه د ځمكې نه هوا ته د توغندي په واسطه ويشتل شوې ده. روسي چارواكي همداراز ادعا كوي چې د دوى الوتكې د تركيې خاورې ته نه دي ننوتلي.
ددې سره سره د روسي مقاماتو د انټرفاكس خبري اژانس ته ويلي دي چې دا به له وخته دمخه وي چې د الوتكې د لوېدلو له امله د تركيې سره د روسيې اړيكې ترينګلې شي.
دا په داسې حال كې ده چې په ټولنيزه مېډيا كې داسې ويډيو ګانې هم خپرې شوي دي چې پكې د الوتكې يو تن پيلوټ ښودل كيږي چې د تركمنانو لاس ته لويږي. د بله پلوه ناتاييد شوي رپوټونه وايي چې يو روسى پيلوټ وژل شوى دى.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله