د ترکیې او روسیې ترمنځه اړیکې ترینګلي شوي دي.
د هیواد د بهرنیو چارو وزارت د روسیې لخوا د ترکیې په هوايي حریم د تیري له امله پرون د سې شنبې ورځ د سپټمبر په شپږمه یو ځل بیا د روسیې سفیر احضار کړ او پدې اړه يي ورته سخت غبرګون څرګند کړ.
د هیواد د بهرنیو چارو د وزارت لخوا په خپره شوې خبرپاڼه کې راغلي دي چې د روسیې سفیر پرون د دریم ځل لپاره احضار شو او ورته وویل شول چې په راتلونکې کې د داسې کوم اقدام د تکرار په صورت کې به د رامنځته کیدونکو هر ډول پایلو مسولیت د روسیې په غاړه وي.
په خبر پاڼه کې راغلي دي چې ترکیې یو ځل بیا د روسیې سفیر ته خپل سخت غبرګون څرګند کړ او د هغه نه يي د ددې پیښې د نه تکراریدو غوښتنه وکړه.
د بهرنیو چارو وزارت د روسیې سفیر ته وویل چې د مسلې په اړه د دواړو هیوادونو عسکري هیت په انقره کې خبرې اترې هم کولی شي.
د یادولو وړ ده چې تیره ورځ د روسیې د دفاع د وزارت ویاند ایګور کوناشینکوف ویلي وو چې ترکیې په انقره کې ددوی عسکري اتشتې ته د ګډ کاري ګروپ د جوړولو ادعا کړې وه.
د بهرنیو چارو وزارت دا ادعا په کلکه توګه رد کړه او ویلي دي چې د روسیې عسکري اتشې ته داسې کوم وړاندیز ندی شوی.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1718961067)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718961067)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله