اردوغان : د ترهګرو سره به په هغه ژبه وغږیږو چې پرې پوهیږي
د هیواد ولسمشر رجب طیب اردوغان وویل ً د پې کاکا ترهګریز سازمان چې په کومه ژبه پوهیږي په هماغه ژبه ورته ځواب ورکړ شوی او ددینه وروسته به هم ورکړل شي.
ولسمشر اردوغان دا څرګندونې د هیواد د ملي شورا د ۲۵ مې دورې د مقننه قوې د دویم کاري کال د پرانیستو په مراسمو کې وکړې.
ولسمشر اردوغان زیاته کړه چې په هیواد کې به د ترهګرۍ پر وړانډې مبارزه تر هغه دوام وکړي چې تر کومه چې ترهګر خپلې وسلې پر مځکه کیږدي او هیواد او ملت د هغوې شر نه خلاص شي. ولسمشر اردوغان وویل چې دا مبارزه په هیواد کې د یو قوم یا توکم پر خلاف نده بلکې د ترهګرو پر خلاف ده. ولسمشر وویل چې ترهګرو او کوردانو ترمنځه توپیر شتون لري ، کوردان جلا او ترهګر جلا دي. د پې کاکا ترهګریز سازمان زموږ د کورد ورورنو استازیتوب نشي کولی او استازي هم ندي.
ولسمشر اردوغان وویل چې ددې ځایه د نړۍ په هغه هیوادونو هم غږ کوم چې د ترهګرو نه ملاتړ کوي او هغوې سره مالي او د وسلو مرستې کوي . موږ په هر څه ډیر ښه پوه او اګاه یو . یوې مسله باید هیره نکړۍ چې تاسې چې د کومو ترهګرو نه د نیسي په توګه کار اخلۍ دوی به ستاسې لاسونه هم وسوځوي. ترهګر د لړم خاصیت او خواص لري. څوک چې لړمان ګرځوي هغه به خامخا لړم چیچي. دا لړمان به یو ورځ تاسې هم وچیچي او ستاسې د غاړې بلا به وګرځي.
ولسمشر اردوغان د وینا په یوې برخه کې د سوري کډوالو ستونزې ته په اشارې سره وویل چې ترکیه د تیرو ۴ کلونو راهیسې د څه باندې دوه میلیونو تنو سوري کډوالو کوربه توب کوي. د تیرو ۴ کلونو راهیسې څه باندې دوو میلیونو سوري او عراقي ګډوالو ته يي پناه ورکړې ده . ترکیې د ګاونډیتوب د مسولیت د ادا کولو سربیره په اصل کې د ټول بشریت عزت ژغورلی دی.
ترکیې پدې موده کې په کډوالو څه باندې ۷ عشاریه ۵ میلیارده ډالره په مصرف رسولي دي. ولسمشر اردوغان وویل چې نن ورځ اروپا هم ددې ستونزې سره مخامخ ده .
ولسمشر اردوغان زیاته کړه هغه هیوادونه چې د تیرو ۴ کلونو راهیسې پدې ستونزې سترګې پټې کړي او دا درندو بار يي یواځې او یواځې یو، دوه یا دریو هیوادونو په اوږو بار کړی دی او خپلو پولو نه د دیوارونو ، اغزنو مزو او نورو امنیتی تدابیرو سره غواړي چې دا ستونزه حل کړي نه حل کیږي.
ولسمشر اردوغان وویل چې نړۍ ددې تدابیرو پر ځای باید د ستونزې اصلي لامل او سرچینه پیدا کړي. د روانو عام وژنو مخه ونیسي. د هغه رژیم چې په خپلو خلکو بیلري بمونه ګوزاروي او خپل خلک په قتل رسوي مخه ونیسي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله