داوود اوغلو:ترهګرئ پر وړاندې مبارزه به د کلک اعظم سره دوام وکړي
د هیواد لومړي وزیر احمد داوود اوغلو د وروستي ترهګریز برید په اړه چې له امله ۱۶ تنه سرتیري په شهادت ورسیدل څرګندونې وکړې.
لومړي وزیر ددې خبرې په ټینګار وویل چې دا ډول خایینانه بریدونه د ترهګرئ پر وړاندې زموږ کلکې مبارزې منفي اغیزې نشي کولی. لومړي وزیر د پې کاکا په ترهګرې ډلې غږ وکړ چې ددې ډول بزدلانه او خایینانه بریدونو سره د ترهګرئ پر وړاندې د روانې مبارزې مخه نشئ نیولی. هغه غرونه به حتما او خامخا د ترهګرو نه پاکیږي.
د هیواد لومړي وزیر احمد داوود اوغلو د حکاري ولایت د یوکسک قوا ولسوالئ د داغلي جه په سیمه کې په امنیتي ځواکونو د ترهګرو د نامردانه بریدونو په اړه خبریالانو ته معلومات ورکړل.
لومړي وزیر د ترهګرئ پر وړاندې په روانې مبارزئ ټینګار وکړ او وویل چې د هیواد کوماندو ځواکونه سیمې ته رسیدلي دي او د شهیدانو جنازې د سیمې نه تخلیه کړي دي.
لومړي وزیر چې د پې کاکا ترهګریز سازمان د ریښو د وچولو او د هیواد ګوټ ګوټ ددوې د شر نه د ژغورنې په خاطر يي امنیتي ځواکونو ته لازم هدایات ورکړي دي. لومړي وزیر وویل چې د ترهګرو د نامردانه بریدونو نه د عراق په شمال کې د هغوې پټنځایونه او ډیپوګان له منخه وړل شوي دي.
لومړي وزیر احمد داوود اوغلو په هیواد کې په ټولو سیاسي ګوندونو د ترهګرئ پر وړاندې د مبارزې په خاطر د ګډ دریځ د غوره کولو غږ وکړ. لومړي وزیر وویل چې ملت پدې برخه کې باید په دولت پوره باور او ډاډ ولري او د ترهګرئ پر وړاندې په مبارزه کې زموږ نه ملاتړ وکړي.
لومړي وزیر وویل چې د ډیموکراسئ په چوکاټ کې د ترهګرئ پر وړاندې مبارزې ته به د کلکې ارادې سره دوام ورکړو. لومړي وزیر په هیواد کې په ټولو سیاسي ګوندونو د یووالي غږ وکړ.
لومړي وزیر وویل چې ټولې مخالفې سیاسي ډلې او ګوندونه باید د ترهګرو پر وړاندې یو شان چلند او دریځ غوره کړي. زه په ټولو ګوندونو اوږه اوږه پدې مبارزه کې د ګډون بلنه ورکوم.
لومړي وزیر وویل چې ترهګرو د دا ډول بریدونو سره به په ترکیه کې هیڅکله هم خپلو شومو اهدافو او موخو ته ونه رسیږي.
لومړي وزیر داوود اوغلو زیاته کړه چې زه پوره باور لرم چې د هیواد په ختیځ او سویل ختیځو سیمو کې میشت هیوادوال به ددې ترهګریزو ډلو د ظلمونو، وحشت، پستئ ، د ملت د یووالي، د امنیتي ځواکونو او دولت نه پوره ملاتړ کوي. زه پوره باور لرم چې زموږ دا ورورولي او یووالی به هیڅکله هم زیان ونه ویني.
لومړي وزیر داوود اوغلو د نوامبر په لومړئ نیټه په هیواد کې د پارلماني ټاکنو په اړه هم معلومات ورکړل. لومړي وزیر وویل چې د نوامبر په لومړئ نیټه پارلماني ټاکنې به د حقوقو په چوکاټ کې ترسره شي.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله