د ترکیې د مردین په ولایت کې په پولیسو خونړی برید شو
د ترکیې د مردین په ولایت کې په پولیسو په بمي برید کې د ۱۰ تنو پولیسو په ګډون ۲۴ تنه ټپیان شول
د ترکیې په ختیځ کې د مردین په ولایت کې په پولیسو بمي برید وشو.
د پې کاکا ترهګریزې ډلې د مردین ولایت قزل ټپه په سیمه کې د یو پل لاندې بمونه ځای په ځای کړي وو چې د پولیسو د کتار د تیریدو پر مهال يي وچاوه. په برید کې د ۱۰ تنو پولیسو په ګډون ۲۴ تنه ټپیان شول.
د پيښې ټپیان سمدلاسه روغتون ته واستول شول . ویل کیږي د چاودنې له امله د پل یوه برخه په کامله توګه ونړید.
د بله پلوه د هیواد د شانلي اورفا په ولایت کې نامعلومو وسله والو کسانو د پولیسو په موټر د روغتون په مخکې برید وکړ چې له امله يي دوه تنه پولیس په شهادت ورسیدل.
پیښه پرون د شپې په نیمايي برخه کې رامنځته شوه.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
