د ترکیې امنیتي ځواکونو افغان کډوال د ډوبیدو وژغورل
د ترکیې امنیتي ځواکونو ۲۴ تنه ناقانونه کډوال چې ډیری افغانان دي ونیول.
د ترکیې سمندري امنیتي ځواکونو د ناقانونه کډوالو د یوې بلې لویې فاجعې مخنیوی وکړ.
د ترکیې سمندري امنیتي ځواکونو د ایژې په سمندر کې ۲۴ تنه ناقانونه کډوالو چې ډیری افغانان دي د ډوبیدو نه وژغورل.
د انسان چاقبرانو چې ۲۴ تنه د اروپا په بهانه د ترکیې د موغلا ولایت د بودروم په سواحلو کې په یوې کښتۍ کې د سمندر په منځ کې پریښې وو د ترکیې د سمندري امنیتي ځواکونو لخوا وژغورل شول.
د ترکیې سمندري امنیتي ځواکونو د یادو شوو ۲۴ تنو د ژغورلو نه وروسته نوموړي د موغلا ولایت د امنیي قومندانۍ ته وسپارل. د موغلا د امنیې قومندانۍ د معلوماتو له مخې نیول شوي ناقانونه کډوال د افغانستان، سوریې او میانمار وګړي دي. د معلوماتو له مخې د نوموړو ۲۴ تنو ډیری د افغانستان وګړي دي. پولیسو ویلي دي چې د انسان قاچاقبرانو نوموړي ۲۴ تنه ناقانونه کډوال اروپا ته د بیلولو په بهانه په سمندر کې پریښې وو چې کښتۍ يي د ډوبیدو د ګواښ سره مخامخ وه. کښتۍ د هیواد د سمندري امنیتي ځواکونو د ګزمې پر مهال تثبیت او په کښتۍ کې سپاره کډوال وژغورل شول.
د یادولو وړ ده چې یو څه موده وړاندې د ترکیې د استانبول په ښار کې د ناقانونه افغان کډوالو کښتۍ په سمندر کې ډوبه شوه چې له امله يي شاوخوا ۳۰ تنو ژوند د لاسه ورکړ.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
