په تركيه كې د ۱۸ كارګرانو د ژوند نه امېد غوڅ شوى دى.
په تركيه كې د ډبرو د سكرو په كان كې د ۱۸ كارګرانو د ژوند په اړه امېد نشته دى.
د تركيې د كره مان په ولايت كې د ډبرو د سكرو په كان كې د تېرې ورځې د فاجعې په پايله كې ۱۸ تنه كارګران د ځمكې لاندې د ۳۷۵ متره ژوروالي سره كوهي كې بند پاتې دي.
كه څه د ژغورنې كار په پرتله سې توګه دوام لري خو د ډبرو د سكرو كان د اوبو نه ډك شوى دى او د كارګرانو د ژوندي پاتې كېدو په اړه امېد نشته دى.
پرون ماښام د تركيې ولسمشر رجب طيب اردوغان، لومړى وزير احمد داوود اوغلو د كابينې غړي او يو شمېر نور لوړپوړي دولتي چارواكي د فاجعې سيمې ته لاړل او د ژغورنې عمليات يې له نږدې نه وكتل.
د هېواد د انرژۍ او طبعي زېرمو د چارو وزير تانر ييلدز، د ترانسپورټ وزير لطفي الوان او د كار او ټولنيز امنيت د چارو وزير فاروق چيليك هم د تېرو دوو ورځو راهيسې په سيمه كې دي او د ژغورنې عمليات څاري.
تانر ييلدز نن سهار خبريالانو ته وويل چې د كان په كوهي كې شاوخوا ۱۰ زره ټنه اوبه ټولې شوي دي. ددې اوبو تخليه كول كېداى شي څو ورځې وخت ونيسي. ييلدز دا هم وويل چې د كارګرانو د ژغورنې په اړه امېدونه د پاى ته رسېدو په حال كې دي.
د ترانسپورټ وزير لطفي الوان څرګنده كړه چې د كان نه اوبو د تخليې لپاره تر ټولو پرمختللې ټيكنالوژي كارول كيږي.
په سيمه كې د كارګرانو د كورنيو غړي هم د خپلو اولادونو د عاقبت په اړه اندېښمن دي او انتظار وباسي.
اړوند خبرونه
![د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.](http://cdn.trt.net.tr/images/medium/rectangle/17dc/85c7/62ef/667274aa8f555.jpg?time=1719281912)
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1719281912)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله