په لندن کې په دوو جلا جلا بریدونو کې ۲ تنو ژوند دلاسه ورکړی
د انګلستان په پلازمینه لندن کې په دوو جلا جلا چړو بریدونو کې لږ تر لږه دوه تنه مړه او دوه تنه ټپیان شوي دي.
![په لندن کې په دوو جلا جلا بریدونو کې ۲ تنو ژوند دلاسه ورکړی](http://cdn.trt.net.tr/images/xlarge/rectangle/9f77/b6b9/6487/5dfc767fe1dfb.jpg?time=1718632847)
د لندن پولیسو ویلي دي چې لومړی برید تیره شپه په ۷ بجو او ۱۵ دقیقو رامنځته شوی دی چې په پایله کې یو تن ۲۰ کلن ځوان د پيښې په ځای کې ژوند د لاسه ورکړی او بل چې ګمان کیږي د شلو کلونو وي روغتون ته انتقال شو.
ویل کیږي دا برید د والټامستو سیمې د بروملي په سړک کې رامنځته شوې ده .
پولیسو ویلي دي چې د برید په اړه يي تحقیقات پيل کړي دي.
همداشان دویم برید بیا د شپې په ۸ بجو او ۳۷ دقیقو رامنځته شوی دی .
د پولیسو په وینا دویم برید د لندن په شمال کې د بارنټ بای پاس په سیمه کې شوی دی.
پولیسو په سیمه کې د یو تن ټپي په اړه راپور ترلاسه کړ. پولیسو په سیمه کې د پلټنو په ترڅ کې په څو مترۍ کې په یو موټر کې یو تن بل ټپي هم وموند.
د دواړو روغتیايي حالت باریکه وو او سمدلاسه روغتون ته انتقال شول.
د نوموړو دوو تنو ټپیانو نه هم یو تن په روغتون کې ساه ورکړه.
پولیسو د دواړو بریدونو د فاعلینو په اړه څه ندي ویلي یواځې د تحقیقاتو د پیلولو نه خبر ورکړی دی.