په فرانسه کې  د جومات په مخکې  په مقتدیانو  وسله وال برید وشو.

د فرانسې د فریست  په ښار کې  د یو جومات په مخکې په مقتدیانو  وسله وال برید وشو چې په پایله کې  د جومات  امام  او یو تن بل  ټپیان شول.

د فرانسې د رسنیو د خبر له مخې  پیښه  د بریست ښار  د پونتانیزن  په سیمه کې چیرته چې ډیری  مسلمان اوسیږي رامنځته شوې ده .

په خبر کې راغلي دي چې برید کوونکي د جومات په مخکې پر خلکو  د ډزو نه وروسته په موټر کې د پیښې د ځای نه وتښتید.

پولیسو ویلي دي چې  برید کوونکی  د تیښتنې نه وروسته  په یوې بله سیمه کې د خپل موټر ترڅنګ  مړ  موندل شوی دی.

د پیښې ټپیان  په روغتون کې د درملنې لاندې قرار لري.

پولیسو د پیښې په اړه  د تحقیقاتو د پیلولو نه خبر ورکړی دی.

د فرانسې د کورنیو چارو وزیر کرستوف کاستانر د پیښې په اړه د ټولنیزې مډیا له لارې په خپور کړي پیغام کې ویلي دي چې  د والیانو نه يي د عبادتخانو  د امنیت په خاطر د لا قوي تدابیرو د نیولو غوښتنه کړې ده .