روسیه : د اس ۴۰۰ توغندي به د ټاکل شوې نیټې سره سم ترکیې ته وسپارل شوي

د روسیې د ولسمشرۍ ماڼۍ ویاند  دیمیتري پیسکوف  ویلي دي چې  ترکیې ته د اس ۴۰۰ دفاعي توغندیو  سیستم د پلان په مطابق  په ټاکل شوي  وخت سپارل کیږي  او تسلیولو  په مسئله هیڅډول ستونزه شتون نلري.

هغه  دا څرګندونې  د قزاقستان په پلازمینه  نورسلطان کې وکړې .

هغه وویل چې  د ترکیې په غوښتنه روسیې د اس ۴۰۰ دفاعي توغندیو د سیستم  د سپارلو نیټه  د ټاکل شوې نیټې نه مخکې کړې ده .

د توغندیو تسلیمولو  بهیر به  د ټاکل شوي پلان پر مطابق  پر مخ روان دی. هیڅډول خنډ شتون نلري.

د ویلو ده چې تیره ورځ  د روسیې د دفاع وزیر ویلي وو چې  د نوموړو توغندیو  اړوند  ځینې سامان آلات به  د جون په میاشت کې ترکیې ته تسلیم کړي.