د ولسمشر اردوغان لخوا په سویډن کې پر قرانکریم د برید په اړه ډیر سخت غبرګون
ولسمشر اردوغان : لویدیځ د وینا ازادۍ نه د اسلامو فوبیا په لاره کې د بهانې په توګه کاروي
د تورکیې ولسمشر رجب طیب اردوغان په لویدیځ کې په قرآن کریم باندې د منفور برید په اړه وویل ، مونږ دغه برید د اسلام او مسلمانانو پر وړاندې د دښمنۍ د ناروغۍ د نویو ډولونو شاهدي کوو چې په لویدیځ کښې د یوه وژونکي تومور په څیر په چټکۍ سره خپریږي. هغه وویل، لویدیځ نړۍ په ځانګړې توګه د دې ناروغۍ په وړاندې په مبارزه کې کوم ګام نه دی پورته کړی.
د ولسمشر رجب طیب اردوغان په مشرۍ د کابینې غونډه وشوه.
د کابینې غونډه د ولسمشر اردوغان په مشرۍ د ولسمشرۍ په ماڼۍ کې جوړه شوه. غونډې ۳ ساعته او ۱۰ دقیقې دوام وکړ. ولسمشر اردوغان د غونډې نه وروسته په خپلو خبرو کې وویل: لکه څرنګه چې مو تل خپل ماشومان په اختر کې د اختر د چاکلیټو سره خوشحالولو هڅه کړې ده ، دادې پدې اختر کې مو په ځانګړې توګه خپل زلزله ځپلې هیوادوال هیر کړي ندي. د کابینې د غړیو نه نیولې د پارلمان د وکیلانو پورې زموږ یو زیات شمیر چارواکیو د اختر ورځې د زلزله ځپلو سره تیرې کړې. په دې توګه موږ خپلو زلزله ځپلو هیوادوالو ته دا احساس ورکړ چې دوی یوازې نه دي.
همدا اوس د هتای، ادیمان او ماراش په ګډون زمونږ په ۱۱ زلزله ځپلو ولایتونو د بیارغونې چارې روانې دي. زموږ د کور جوړونې اداره د فبرورۍ د شپږمې نیټې د زلزلې له امله د نړیدولو ودانیو د جوړولو ، د سیمې د بیرته خپلو پښو درولو په بهیر کې مخکښ رول لوبوي.
د یو پلو نه د نوو ودانیو د بڼسټ ډبرې ایښودل کیږي او د بلې لخوا نه هغه ودانۍ چې د جوړیدو چارې دوام لري چارې په چټکۍ سره مخ په ډیریدو دي.
ولسمشر اردوغان وویل چې موږ به د اکتوبر څخه تر نوامبر پورې د هغه کورونو تحویلي پیل کړو چې چارې بشپړې شوي دي.
زموږ هدف دا دی چې په لومړي کال کې د زلزله ځپلو لپاره ۳۱۹ زره کورونه جوړ کړو. موږ به په سیمه کې په مجموعي توګه ۶۵۰ زره کورونه جوړ کړو، چې ۱۴۳ زره یې د کلیو کورونه دي.
ولسمشر اردوغان وویل چې د استوګنې، د کلیو د کورونو او تبیلو چې د جوړولو بهیر یې پیل شوی، ۱۸۰ زرو ته رسېدلی دی. زمونږ هدف راتلوونکي اختره پورې هغه هیوادوالو ته چې کورونه يي په زلزله کې ویجاړ شوي دي د نوو کورونو تسلیمول او سپارل دي.
انشاالله چې مونږ به خپل زلزله ځپلې هیوادوال چاته احتیاج او محتاج نکړو .
ولسمشر اردوغان په سویډن کې په قرانکریم برید په کلکو ټکو وغنده و زیاته کړه ،
په داسې حال کې چې اسلامي نړۍ د لوی اختر د رارسیدو له امله خوښي کوله ، د سویډن په پلازمینه ستاکهولم کې په قرآن کریم بزدلانه برید زمونږ د ټولو سخته غصه راپارولې ده «دا تحریف چې د مسلمانانو احساسات له پامه غورځوي، پریږدئ.
دې منفور برید چې په نړۍ کې ۲ میلیارده مسلمانان په زړونو ټپي کړي ، د بیان ازادي ازادي خو په خپل ځای پریږده له اساسي انساني ارزښتونو سره مطابقت نلري. دا د اسلام دښمنۍ تغذیه کیدونکې د کرکې وړ جنایاتو ته لمن وهل دي. همداشان د پولیسو تر څارنې لاندې ددې برید ترسره کول بیا مونږ ټول ډیر اندیښمن کړي یو.
د نړۍ په هېڅ هېواد کې د خلکو پر سپېڅلو مکانونو او ارزښتونو بریدونه د فکر ازادي نه بیانیږي. لکه څرنګه چې په نړۍ کې د نورو دینونو په سپیڅلو مکانونو لکه کلیسا او کنیسه برید کول او یا هغوې ته اور اچول د بیان ازادي کې نه شمیرل کیږي او نده همداشان د قرآن سوځول او بې احترامي هم د بیان ازادي نه شي کېدای. زموږ په سترګو کې زموږ د جوماتونو په نښه کولو او زموږ پر سپیڅلي کتاب د ناوړه بریدونو تر منځ هیڅ توپیر نشته، په حقیقت کې هغه څوک چې اجازه ورکوي او همدارنګه د کرکې پدې جرمونو سترګې پټوي پدې کرکه او نفرت کې شریک دي. هغه څوک چې د خپل خوندیتوب په وخت کې هیڅ حقونه، قوانین یا اصول نه مني خو کله چې موضوع د مسلمانانو سپېڅلو شیانو ته راځي، دوی ناڅاپه د فکر ازادي رامنځته کړي .دا ذهنیتونه په اصل کې د اسلامو فوبیا او بهرنیانو پر وړاندې د تبعیض پر مهال د د وینا ازادي او داسې نورو ارزښتونو نه د بهانو په توګه استفاده کوي.
