په بلخ ولایت کې په یو بازار کې چاودنه شوې

د افغانستان په شمال کې د بلخ ولایت د بلخ د ولسوالۍ په بازار کې چاودنه شوې.

د بلخ ولایت د پولیسو ویاند عادل شاه عادل خبري رسنیو ته ویلي دي چې نن چار شنبه د حمل د میاشتې ۱۱ مه نیټه  د غرمې نه وروسته د بلخ ولسوالۍ په بازار کې چاودنه وشوه.

هغه ویلي دي چې پدې چاودنه کې دوه تنه ملکي وګړي مړه او ۱۲ تنه نور ټپیان شوي دي.

د ویاند په وینا په وژل شوو کسانو کې یو تن ماشوم دی.

د برید مسئولیت تر اوسه پورې چا په غاړه ندی اخیستی.