په کابل کې چاودنه شوې
د کابل د شاه شهید په سیمه کې چاودنه شوې
1569716
![په کابل کې چاودنه شوې](http://cdn.trt.net.tr/images/xlarge/rectangle/5739/92ea/632e/600d012a32422.jpg?time=1719063513)
د افغانستان په پلازمینه کابل کې چاودنه وشوه.
د کابل نه د ترلاسه شوو معلوماتو له مخې نن یکشنبه د جنوري ۲۴ مه د سهار د ۸ بجو او ۱۰ دقیقو په شاوخوا کې د کابل د اتمې امنیتي حوزې په مربوطاتو کې په یو موټر چاودنه وشوه.
د کابل پولیسو د پیښې پخلی کړی دی او ویلي دي چې نن یکشنبه د سهار په ۸ بجو او ۱۲ دقیقو د شاه شهید په دریم سړک په یو لنډ کروزر ډوله موټر د مقناطیسي بم چاودنه شوې ده.
پولیسو ویلي دي چې پدې چاودنه یو تن مړ او دوه تنه نور ټپیان شوي دي.
ویل کیږي دا چاودنه د افغانستان بانک په یو چارواکي شوې ده چې هغه پکې ټپي شوی او موټر چلوونکي ژوند د لاسه ورکړی دی.
په ټولنیزو رسنیو کې په خپرو شوو تصویرونو کې ښکاري چې لنډ کروزر زریهداره دی.
عینې شاهدانو خبري رسنیو ته ویلي دي چې چاودنه د شاه شهید د سیمې په دریم سړک کې شوې ده .