په پکتیکا کې د اربکیو پولیسو عمومي قومندان ووژل شو

د پکتیکا ولایت د پولیسو ویاند آرین خبري رسنیو ته ویلي دي چې طالبانو تیره شپه د ارګون په ولسوالۍ کې د اربکیو په عمومي قومندان عید محمد برید وکړ چې په نتیجه کې ژوند د لاسه ورکړ.

ویاند ویلي دي چې طالبانو تیره شپه د ارګون ولسوالۍ د پيرکوټي په سیمه کې د اربکیو عمومي قومندان عید محمد باندې د یو کمین په ترڅ کې برید وکړ.

وروسته د د عید محمد د ساتوونکو او طالبانو ترمنځه نښته وشوه.

هغه ویلي دي چې پدې جګړه کې  طالبانو ته هم د پام وړ ځاني زیانونه اوښتي دي.

آرین پدې نښته کې د ۱۷ تنو طالب اورپکو د وژل کیدو نه خبر ورکړی دی.

د ویلو ده چې قومندان عید محمد او اوږدو کلونو راهیسې د افغانستان د پولیسو په لیکو کې دنده ترسره کوله. هغه په بیلابیلو برخو کې دنده ترسره کړې. همداشان هغه په پکیکا ولایت کې د اربکي پولیسو موسس هم دی.