په سرپل ولایت کې چاودنه شوې
په سرپل کې چاودنې ۶ تته ماشومانو ژوند واخیست
1483822
د افغانستان په شمال کې په سرپل ولایت کې چاودنې ۸ تنو ملکي وګړو ته مرګ ژوبله واړوله.
د سرپل ولایت امنیتي مقاماتو ویلي دي چې پرون د ماښام په ساعتونو کې د سانچارک ولسوالۍ د ګجوای په ولسوالۍ کې په یو کور کې د ځای په ځای شوي ماین د چاودنې له امله لږ تر لږه ۶ تنو ژوند د لاسه ورکړی او دوه تنه نور ټپیان شوي دي.
د سرپل د والي ویاند هم د پيښې پخلی کړی او خبري رسنیو ته ویلي دي چې چاودنه پرون د ماښام په ساعتونو کې رامنځته شوې ده .
هغه ویلي دي چې پدې چاودنه کې ۶ تنه ماشومان مړه او دوه میرمنې ټپیانې شوي دي.
ویاند د برید پړه پر طالبانو اچولې ده . هغه ویلي دي چې ماین د طالبانو لخوا پدې کور کې ځای په خای شوی وو خو لامل يي لا تر اوسه پورې معلوم ندی.
په پيښه کې د دوو کورنیو ۸ تنو ته مرګ ژوبله اوښتې ده .
